新發茶餐廳 (已結業)

附近工作,午餐時間係大角咀真係好難搵餐廳食餐好!!因為中銀 匯豐 同其他學校都放午餐...本人多數都周圍去試唔同既餐廳~寫多D食評比各位欣賞!!今日去左新發茶餐廳食午餐,因為望入去都頗多人!! 但學生居多,原來學生有優惠!!一坐底 待應好快行埋黎問我食乜野...其實我餐牌都未睇....袋都未放好....我話睇睇先...好采都冇比面色我睇....招呼係好....但咁樣我覺得唔似係招呼~似趕客多...叫左個咖哩斑腩飯 凍奶茶.....同白湯!!落單唔洗10秒...白湯到了!暧暧的 有點粟米 也算不錯!!飲完湯 等左5分鐘 待應先拎碗咖哩斑腩黎....拎黎果時左手除左拎住我碗野之外...仲拎住碗白湯...一隻手拎兩碟野.... 係醒係勁就冇問題...但放底我碟野之後...D白湯漏哂去我碗咖哩度...待應係見到...但扮唔知....走左去...!!我叫其他待應黎...其他待應好似扮睇我唔到....搞錯丫...咩餐廳黎?? 坐係門口果位收銀阿嬸見到都唔理我...算喇...當自己黑仔啦今日....先試試咖哩...OK好味....斑腩....9成係粉黎....WHAT IS THIS? 咖哩送飯算.