新發茶餐廳 (已結業)

食物水準很低。早上跟老公第一次幫襯呢間茶餐廳，點了兩份早餐。可惜。。。米粉太硬，未煮熟。雪菜 煎蛋凍的。雪菜 肉絲 只有一條小肉絲。咖啡極甜。凍檸茶極甜。食到一半，都真係食唔落去，中途就走了。。不會再光顧。

洋蔥豬扒估計鬆肉粉落很多肉質唔韌可以但無肉味個汁很油.雞扒不是太熟透, 味道很雪. 咖哩斑腩飯, 一般. 煎蛋, 很差連蛋白都未熟.生炒骨肥肉多外皮粉厚汁太濃, 非常難食, 飯硬到難以形容. 連腸仔都可以煎焦.沙嗲牛肉通粉無牛味得沙嗲味, 非常難食, 泡麵太淋感覺好似放了十分鐘得杯面一般.最重要要講的係服務, 這裡的低劣服務絕對可以令一個脾氣很好的人或心情很好的人變得暴躁.

附近工作,午餐時間係大角咀真係好難搵餐廳食餐好!!因為中銀 匯豐 同其他學校都放午餐...本人多數都周圍去試唔同既餐廳~寫多D食評比各位欣賞!!今日去左新發茶餐廳食午餐,因為望入去都頗多人!! 但學生居多,原來學生有優惠!!一坐底 待應好快行埋黎問我食乜野...其實我餐牌都未睇....袋都未放好....我話睇睇先...好采都冇比面色我睇....招呼係好....但咁樣我覺得唔似係招呼~似趕客多...叫左個咖哩斑腩飯 凍奶茶.....同白湯!!落單唔洗10秒...白湯到了!暧暧的 有點粟米 也算不錯!!飲完湯 等左5分鐘 待應先拎碗咖哩斑腩黎....拎黎果時左手除左拎住我碗野之外...仲拎住碗白湯...一隻手拎兩碟野.... 係醒係勁就冇問題...但放底我碟野之後...D白湯漏哂去我碗咖哩度...待應係見到...但扮唔知....走左去...!!我叫其他待應黎...其他待應好似扮睇我唔到....搞錯丫...咩餐廳黎?? 坐係門口果位收銀阿嬸見到都唔理我...算喇...當自己黑仔啦今日....先試試咖哩...OK好味....斑腩....9成係粉黎....WHAT IS THIS? 咖哩送飯算.

第一次食去新發食早餐時係叫個沙牛麵，點知啲麵係用泡麵，已經好唔滿意。第二次食，俾多次機佢，叫咗個雞扒火腿餐，諗住難食極都有個普，點知塊雞扒真係令我大開眼界，炸到乾硬晒，勁深色，得兩啖肉，好似番炸咗好多次咁，勁難食，完全係唔想你再幫襯咁，咁大間舖頭有咁嘅質數，實在太可怕，永久blacklist！

某天早上，就在離家不遠的這間茶餐廳吃了一頓港式公仔麵早餐，本來只是平凡的一餐，無甚特別值得一書，但這天這間茶餐廳的服務效率，卻令自己留下負面的印象，相信以後自己再也不會到來吃東西。是這樣的，這天第一次來到這間離家雖不太遠，但自己一次也沒有光顧過的茶餐廳吃早餐，吃的是簡單的自選三拼公仔麵早餐，所叫的三餸是較普通的午餐肉和較特別的扎肉與冬菇，而叫的飲品則是凍檸水，誰不知這間茶餐廳竟連這樣簡單的東西也搞錯，先是女伙計把凍檸水寫成凍檸茶，再是廚房把午餐肉變成了煎蛋，令這份簡單的早餐無論飲品還是食物都需要更換，實在令自己感到有點好笑。其實，這平凡的港式早餐雖然不是什麼美味，味道都算正正常常，但這間茶餐廳的服務效率既是這樣的低，在它附近又有多間大同小異的茶餐廳，那又何需再來呢？隨便找另一間相信都不會一再的出現這些亂子吧！

不惜大熱天時游走大角咀，為的就是心太軟，可惜甜心屋要到六點才開始營業，吃到閉門羹的心情有如晴天霹靂。　那一刻胃口全失，不過天氣實在太熱，就來了光潔的茶記避暑，順便照顧一下龍的咸胃：　燒肉拼油雞飯($36)-燒肉皮特厚，試了一件不算脆不過挺香口；鼓油雞有久光澤，一點不引人食慾，據龍說只是麻麻，與剩下的飯都留給他解決好了。價錢不便宜，還好包一杯飲品。　凍奶茶(+$2)-味道正常，賣相是份量夠大，加上較碎的細冰，飲來感覺涼透心，飲了半杯終於回魂過來。　埋了單已夠時間去看戲，可死心不息的我無論如何也不肯放過甜心屋，下文介紹。

如果唔係朋友仔堅持食咖哩雞我都唔會再買呢間既外賣”送”菜雖然較油但估唔到真係幾好味有十件左右既雞肉應該係用左急凍雞脾所以雞肉唔算”諧”薯仔份量亦有不少好入味送飯唔錯

呢2日我呀爺病左..我去買碗牛奶麥片比佢啦..第一日去買..問佢幾錢..個呀姐話16..個男人就係都要收我18..好..我算*等左成8個字牛奶麥片先出到黎..個陣仲要冇咩人..一出到黎又話碗野太少..要幫我加多d..結果等左成個鐘..火都黎埋..之後問佢我碗野得未..佢地d態度好似欠左佢咁.."好似唔想做生意咁.. 第二日去買..都係收我18蚊..算..老人家食無問題..今次等半個鐘.."之後碗野放左係度無人理..之後d waiter係度傾計睇電視囉..之後我叫佢我碗野拎得..之後個收錢呀姐同個waiter係咁啤住我..洗唔洗丫..呢間野真係冇下次..*去到人都火鬼埋!!!!!!!!!!!!!!!!!!!!!!!!!!!!!!!!!!呢間野真係太差

紅假放假一天朝早同朋友仔黎食早餐叫左牛肉通粉併西煎雙蛋牛油餐包跟凍檸茶少甜少冰朋友仔食歐陸餐雞扒煎蛋併薯角跟凍奶茶人唔係多但都要等左5分鐘先有得食牛肉通粉醃過龍無牛味勝在沙嗲味夠通粉淋左d無乜咬口煎蛋要太陽蛋但生到蛋白都未凝結晒呢度明明自製麵包但竟然牛油餐包唔軟熟凍檸茶少冰仍然有一半係冰而且咁都漏單要催先黎朋友仔既薯角新鮮炸幾好味但雞扒竟然有d位煎唔熟無乜人都咁多甩漏服務要扣分今次食埋早餐都係差左overall又比金家樂貴仲乜仲要有下次呢?

今日再黎買門口外賣既食物要左生炒骨加左價不特止由以前18蚊選一變到20蚊味道亦比之前o係餐廳入面叫set難食生炒骨肥肉多外皮又厚粉個汁又比較杰味道麻麻下次都係幫襯番餐廳堂食o個d比較穩陣

早幾日朋友仔知我無飯食買黎洋蔥豬扒俾我豬扒已經切成一塊塊肉質唔韌但無肉味應該係落左好多鬆肉粉所致汁料唔夠味而且偏油麻麻p.s.朋友仔係o係門口檔買既

夜晚本來諗住上朋友仔屋企食開年飯但最後因為佢家人未番香港而告吹兩個人o係屋企附近食飯已經開舖既選擇唔多最後路過見餐牌都算o岩食就入左黎叫左京都肉排($30)同鹹魚雞粒豆腐煲($34)兩個都加5蚊改做餐包飯同湯或飲品京都肉排個汁好開胃酸酸地好撈飯肉排其實係豬扒切件唔韌味道唔錯鹹魚雞粒豆腐煲個汁應該係蠔油汁加左鹹魚但剛剛好唔太鹹豆腐切件炸過再加埋雞粒同草菇再煮豆腐即刻變成主角送飯一流例湯係蓮藕排骨湯雖然有少少味精但料足夠味唔錯overall係金家樂之外既好選擇

我從來未入過去食野, 不過我差唔多每日都會幫襯佢, 有時仲一日幫襯佢2次, 不過.. 唔過$20, HAHA朝早- 旦撻$2個, 有時要2個, 買返公司做早餐.冬天放工- $10-15糯米飯, 唔知係唔係凍, 個飯又夠熱, 花生又脆, 真係好好食!! ^*^

之前經過好幾次見佢門口有糯米飯賣已經好想食但奈何次次都已經食飽今日收工後一心一意黎買當晚餐因為唔想食到咁油只係單要左糯米飯($10)無另外加錢要臘味(+$5)或者臘肉(+$10)呢度既糯米飯係蒸既到你買時先撈豉油同加少少冬菇粒因為買左番屋企後都放左成大半個鐘先食變得只係暖暖地同埋d飯粒黐埋一齊幸好飯粒無話生及第味道ok配合香脆既花生同蔥花食好正但阿姐落得太少豉油有d位唔夠味我自己再加番煲仔飯豉油就十分美味不過阿姐有大陸口音關係製造左小誤會幸好阿姐都無發惡