影片
更多
2019-05-03
142 浏览
今日約左朋友出黎旺角行街，行之前順便食埋lunch。本身都諗緊食乜好，但最後我地比呢一間茶王冰室吸引左。因為見佢門口有大大個易拉架，介紹茶王之王既奶茶，出於好奇，所以決定試一試。佢既茶王之王奶茶係由陳子平師傅主理，陳師傅仲曾經在《國際金茶王大賽2016》中獲頒「金茶王」，所以點都要試下呢杯價值$88嘅 ｢茶王之王｣奶茶。一坐低先叫左一杯「茶王之王」，一黎到見到一杯大奶茶同杯細奶茶，我地未來得及問侍應，侍應已經好用心咁介紹呢杯奶茶。原來細杯係普通奶茶，大杯係茶王之王，茶王之王係絆六種茶葉去話配，茶葉味非常香濃。當我飲完普通奶茶之後，用水沖一沖口，再試埋茶王之王，就飲得出2者既分別了。茶王之王果然係名不虛傳，一d苦澀味都無，飲完仲有茶香同回甘，不過原來奶茶只限下晝4點前供應，所以要飲真係襯早。除左飲唔之外，我地叫左2樣野食，包括叉燒滑蛋飯同沙嗲牛肉撈麵。叉燒滑蛋飯需要成日都食，但要整得有水準都唔容易，佢既叉燒份量比想像中多，而且佢係半肥瘦叉燒來的，肥瘦適中，而炒蛋香而滑，2者配合得好夾，不過只係略厭飯底既豉油唔夠蛋，如果多返小小會更加好。沙嗲牛肉麵就食得多，但撈麵都係第一次見，不過竟然都出
因為見佢門口有大大個易拉架，介紹茶王之王既奶茶，出於好奇，所以決定試一試。佢既茶王之王奶茶係由陳子平師傅主理，陳師傅仲曾經在《國際金茶王大賽2016》中獲頒「金茶王」，所以點都要試下呢杯價值$88嘅 ｢茶王之王｣奶茶。
一坐低先叫左一杯「茶王之王」，一黎到見到一杯大奶茶同杯細奶茶，我地未來得及問侍應，侍應已經好用心咁介紹呢杯奶茶。原來細杯係普通奶茶，大杯係茶王之王，茶王之王係絆六種茶葉去話配，茶葉味非常香濃。當我飲完普通奶茶之後，用水沖一沖口，再試埋茶王之王，就飲得出2者既分別了。茶王之王果然係名不虛傳，一d苦澀味都無，飲完仲有茶香同回甘，不過原來奶茶只限下晝4點前供應，所以要飲真係襯早。
除左飲唔之外，我地叫左2樣野食，包括叉燒滑蛋飯同沙嗲牛肉撈麵。
叉燒滑蛋飯需要成日都食，但要整得有水準都唔容易，佢既叉燒份量比想像中多，而且佢係半肥瘦叉燒來的，肥瘦適中，而炒蛋香而滑，2者配合得好夾，不過只係略厭飯底既豉油唔夠蛋，如果多返小小會更加好。
沙嗲牛肉麵就食得多，但撈麵都係第一次見，不過竟然都出奇地夾。麵底係出前一丁麵，配埋麻油，加上太陽蛋，整穿埋個蛋黃做汁，麵條更滑。牛肉肉質腍嫰，沙嗲味香濃，加上一碗湯，食到咁上下，可以飲一淡湯底，又係另一種感覺。
臨走前見到佢有樽仔奶茶，決定買返一枝邊行邊飲。因為比佢既扁身玻璃樽吸引住。同樣地，佢既奶茶都係茶香奶滑，值得再回頭既餐廳。
张贴
