影片
更多
2019-09-02
35 浏览
一家人食飯就最啱食雞煲，個個都係邊爐精，今次去咗間好有室內大排檔嘅感覺，我哋四個嗌左半隻雞，雞煲好足料仲送埋豬皮可以吸晒啲味正呀。講返隻雞先，平時好怕冰鮮雞啲雪未，今次隻雞又嫩又滑，加埋配料食係絕配。湯底方面我哋嗌左藥膳湯底，個藥膳湯底肯定熬咗好耐，一嚟到好大浸藥材味，甘甘甜甜，好特別，感覺食完雞煲都冇咁大罪惡咁。鬼馬墨魚真係不得不嗌，有一舊油炸鬼包住啲墨魚滑再加蟹籽，職員仲會教你呢樣嘢要淥幾耐，外脆內香，我地仲嗌咗兩碟添。另外要開心分享的就係個花甲，勁新鮮又厚肉，配埋個藥膳湯底食真係令人回味。四寶丸亦都係打邊爐唔可以漏嘅，不過不失啦，食完好滿足。響鈴係新鮮炸起架，侍應仲叫我地小心啲睇熱，真係好窩心呀。打邊爐最緊要個湯底，響鈴就啱啱吸晒個藥膳湯啦。宏觀嚟睇呢間野真係食過返尋味！
講返隻雞先，平時好怕冰鮮雞啲雪未，今次隻雞又嫩又滑，加埋配料食係絕配。
湯底方面我哋嗌左藥膳湯底，個藥膳湯底肯定熬咗好耐，一嚟到好大浸藥材味，甘甘甜甜，好特別，感覺食完雞煲都冇咁大罪惡咁。
鬼馬墨魚真係不得不嗌，有一舊油炸鬼包住啲墨魚滑再加蟹籽，職員仲會教你呢樣嘢要淥幾耐，外脆內香，我地仲嗌咗兩碟添。
另外要開心分享的就係個花甲，勁新鮮又厚肉，配埋個藥膳湯底食真係令人回味。
四寶丸亦都係打邊爐唔可以漏嘅，不過不失啦，食完好滿足。
響鈴係新鮮炸起架，侍應仲叫我地小心啲睇熱，真係好窩心呀。打邊爐最緊要個湯底，響鈴就啱啱吸晒個藥膳湯
啦。
宏觀嚟睇呢間野真係食過返尋味！
张贴
