焱丸水產

焱丸水產

朋友仔生日，食個靚嘅生日飯，
焱丸水產真係不得了！勁勁勁好味呀
個蟹膏真係不得了，真係好味到暈，我哋嗌左兩轉，食極都食唔夠喉，總之好味到不能形容。
至於其他海鮮、魷魚帶子，都好鮮甜肥美。
海膽都算新鮮，無怪味

條一夜干，又係冇得頂，魚肉嫩滑好味
仲有個薯仔沙律，黑松露菜，都好值得叫嚟食。

不過牛肉鍋就一般，冇乜驚喜，牛肉唔算好靚，我仲叫咗個炒飯，都係普普通通。

所以嚟到呢度，主打一定係海鮮，尤其係個蟹蓋，不可不叫！！！

但係嗰度地方比較迫，又多人，記得book枱。
而且有限時，所以大家要留意。