影片
更多
2014-02-23
3893 浏览
話說朋友講左好耐元朗有間壽司之神D野好新鮮，咁難得星期六收早就同幾個朋友入去啦。去到六點令壽司之神岩岩好準備開門，我地黎之前,朋友就已經推介我地食廚師發辦,所以去到師傅就安排我地4個人坐bar台。其實我係第一次食廚師發辦所以咩都唔識，一開始坐低，侍應姐姐就斟定茶同比熱毛巾我地抺手。而師傅就準備擺盤啦，唔好以為師傅淨係好似平時出面食D壽司店咁擺塊葉同白蘿蔔絲咁就算,咁你就錯啦,因為師傅擺碟係非常講究，逐樣配菜上，而且碟上嘅配菜係全部都食得架,有牛蒡,海帶,蘿蔔苗,黃蘿蔔...師傅擺好之後同準備好,等左一陣就有得食啦，每上一道菜師傅都會教我地點食，同埋啲醬汁係佢地自己調，醬料調味較得個味道非常好！由淡味食材慢慢食到濃味,所以一開始係食刺身，當你諗住「相機食先」之制,師傅會叫你快D食因為佢一放上碟就要食，總之食嘅過程放心交比師傅同埋跟佢講就實無死。某幾款刺身係切得非常之厚身(因為都有薄厚切之分),而且都係最靚最上等嘅部位。由於我地一路食,食左都有6-7道嘅時候,中間真係食到有啲「流」，咁師傅就停左一陣比我地抖抖，而當時成間鋪都滿哂人師傅們都無停過，而個侍應姐姐就咁逐個幫我地加茶添，抵讚！我眼
去到六點令壽司之神岩岩好準備開門，我地黎之前,朋友就已經推介我地食廚師發辦,所以去到師傅就安排我地4個人坐bar台。
其實我係第一次食廚師發辦所以咩都唔識，一開始坐低，侍應姐姐就斟定茶同比熱毛巾我地抺手。而師傅就準備擺盤啦，唔好以為師傅淨係好似平時出面食D壽司店咁擺塊葉同白蘿蔔絲咁就算,咁你就錯啦,因為師傅擺碟係非常講究，逐樣配菜上，而且碟上嘅配菜係全部都食得架,有牛蒡,海帶,蘿蔔苗,黃蘿蔔...
師傅擺好之後同準備好,等左一陣就有得食啦，每上一道菜師傅都會教我地點食，同埋啲醬汁係佢地自己調，醬料調味較得個味道非常好！
由淡味食材慢慢食到濃味,所以一開始係食刺身，當你諗住「相機食先」之制,師傅會叫你快D食因為佢一放上碟就要食，總之食嘅過程放心交比師傅同埋跟佢講就實無死。某幾款刺身係切得非常之厚身(因為都有薄厚切之分),而且都係最靚最上等嘅部位。
由於我地一路食,食左都有6-7道嘅時候,中間真係食到有啲「流」，咁師傅就停左一陣比我地抖抖，而當
時成間鋪都滿哂人師傅們都無停過，而個侍應姐姐就咁逐個幫我地加茶添，抵讚！
我眼見成間鋪都好似好多熟客因為都同師傅們有講有笑，氣氛唔錯！
抖到咁上下,過左一陣師傅又準備左壽司比我地，不得不講就係有我最鐘意食嘅海膽,呢個真係好抵讚因為好新鮮好好味無得頂（之前係出面食過啲海膽好難食而且仲有陣唔新鮮嘅味）但呢度完全無個個問題，海膽係非常之咁鮮甜,如果大家唔係食廚師發辦,海膽item都係我嘅推介。
同埋,我試左一生第一次紅衫魚壽司，平時以為紅衫魚淨係用黎蕃茄炒蛋之嗎,但原來整壽司都得,仲要係無腥味好鮮味架,真係估佢唔到！長毛蟹膏壽司,鯖魚壽司都係非常咁鮮,nice!
仲有一道我都好鐘意食就係用醬油浸左再燒嘅帆立貝,燒好之後用紫菜包住黎食!哇~食完真係覺得帆立貝除左sashimi之外,整熟黎食都係非常之正!
事實上,食到某2道,我真係有D淆底架
有一道係拖羅手卷加埋紫蘇葉,由於本人一向都好怕食紫蘇葉呀,九層塔呀個D香草,所以就好低B咁問師傅可唔可唔係我個份唔好加紫蘇葉,不過師傅就話食「廚師發辦」就要放心交比佢渣主意,咁我唯有就範啦~初初見到個手卷就唔係幾敢食,不過向朋友係咁話無事wo好食wo呢d說話之下,我咬左一啖試,哈哈出乎意料係無我想像中個陣紫蘇葉味,可能同d 拖羅撈埋左所以無左個陣紫蘇味,而且食落仲好鮮所以我成個手卷都k.o左!
至於另外一道就係都係我人生第一次食嘅,大家望下張相入面有一款係一個碗仔裡面有團白色的東東,個樣好似豬腦咁,食落似豆腐,而且'good'一聲會吞到唔洗咬,至於係咩?大家就要去壽司之神食野問下位師傅啦,因為我都係食完同等埋全部朋友食完佢至開估XD
最後有個蜜瓜做甜品，係超甜！
overall食到十幾道,我都飽到滯呀!但人人食幾多道都係唔一樣架,兼且佢地用料係上乘嘅!!所以食完都係會值回票價,因為係出面真係好少機會食到咁新鮮同上等嘅材料仲要係埋單700蚊左右就有咁嘅質素啦!
下次有機會我都想去試下佢個午時,聽聞鰻魚飯都好正,有機會真係無再去元朗幫襯過!!!
张贴
