稻 (已結業)

喺K11 MUSEA 都食過好多餐廳，心血來潮嚟呢間fusion 菜，嗰日仲見到ViuTV artists，咁都應該係吸引到啲人嚟試吓。佢有提供一般餐牌及兩款套餐，一個$498，一個$698，望落去都覺得好抵食。因為好想試吓蝦及墨汁麵，所以兩個人揀咗$498餐。另外一個餐係$698，有呢度出名嘅意大利飯，都可一試。呢度有我鍾意嘅Prosecco，唔記得個牌子，但好飲嘅。呢個雞尾酒冇酒精，佢哋個drink menu都幾多選擇，有酒、雞尾酒、冇酒精雞尾酒、其他果汁，如果唔係食餐，嚟飲吓嘢，叫幾個佢啲特色食物，都係好。呢個係第一個前菜，腰果鳳梨皮蛋，味道好特別，上面有個泡泡，有少少咖啡味，溝埋一齊又好夾，令到啲皮蛋口感好香，好好食。辣子雞翼，辣嘅程度適中，份量都算多，共有6小件，仲有花生，好香口。呢個係另外加嘅鵝肝，佢上面有啲啫喱狀物體，食埋落去一啲都唔膩，唔會滯。呢個係松露黃金蝦，個炸咗嘅蝦頭好香口，隻蝦都大隻厚肉，不過覺得個mix汁係一般。呢個麵係熱嘅擔擔墨汁麵，但一啲都唔辣，唔太似擔擔麵嘅味，麵質有啲淋，咁佢夠熱所以都okay，唔算驚為天人，過得去。飯後茶係免費，幾好，消滯。兩個人食咗