初心手作料理

聽講元朗多好嘢食，所以專程入元朗。巧合下見到間主打玉子燒嘅餐廳，決定一試，點左個鰻魚玉子燒同地獄湯烏冬。
玉子燒味道尚算可以，但份量實在太少，衹得四小塊，咁就幾十蚊。如果可以多少少或者平少少會合理好多。
但個烏冬就簡直車禍現場，黎到日本餐廳自然係想食日式烏冬。結果個烏冬上到黎，似係烏冬同回鍋肉嘅混種，賣相已經不甚討好。但食物當然係味道重要，抱住一種"或者味道可以拯救賣相"嘅心態開始食。結果仍係大失所望，湯底除左辣就冇味，似係用辣油調出黎。亦似係用辣去掩蓋缺點。牛肉亦都有少少老。幸好烏冬有彈性，算係扳回一城。
整體黎講，係個價錢比人一個過高期望，亦可以話係食物質素唔值個價。而且位置有啲逼，食得唔自在。