海皇粥店 (華安大樓) (已結業)

好耐未食過，更加好耐未幫襯過啦！$36，依家食炸兩同粥，一啲都唔平另外，我入到去，坐低叫嘢，店員即刻用刨冬瓜招呼，或者因為我短髮又高大，佢以為我係北佬都未定啦！咁我當然用廣東話回應，佢之後都用返廣東話。話時話，依家飲食同低檔零售業好多刨冬瓜人。講返食物質素，腸粉滑咗，但油炸鬼腍咗，只有少少脆，芝麻一貫無炒香，豉油唔係甜豉油，係鹹豉油，得個鹹字，唔掂！豆漿正常無驚喜。呢個早餐，叫做止下心癮，唔會係推薦嘅系列。