影片
招牌菜
相关文章
呢间野d员工服务态度极差，系咁催人落单🤬🤬🤬🤬🤬🤬🤬🤬🤬🤬: 自己讲埋落去！: 得得得唔好重覆！都算，落完单佢叫我出门口等一阵，等咗劲耐，原来佢整起咗又唔拎出嚟，咁又叫我出去等？🤬🤬🤬🤬返到去发现冇俾到豆浆，又冇餐具。头先又唔问我要唔要加购餐具。无餐具叫我点食？？萝卜糕同食粉团冇分别，皮蛋瘦肉粥得两旧皮蛋。唔想受气既千祈唔好帮衬呢间野！！！🤬🤬🤬🤬🤬🤬🤬🤬🤬
继续阅读
今日唔太舒服想食下粥，于是叫左网上外卖平台海皇粥店 外卖～（我对上一次食都唔记得几多年前，哈哈）我想食下肉但又想有d 蔬菜，所以叫左个南瓜粟米肉碎粥套餐，拣左炒面，饮品叫左热柠水。个粥几唔错，送到上黎都仲好热，食落唔会太杰又唔会太稀；肉碎都好够，不过觉得d 南瓜粒同粟米粒可以再多d。成碗粥份量都好足够。个炒面正常发挥，油油地但油嘅程度可以接受，唔觉话太咸。杯热柠水无咩特别，不过佢无俾包糖我食完成个下昼都无话特别口渴，咁味精应该唔算多挂？Total 67蚊，外卖黎讲价钱算OK
继续阅读
食物质素环境衞生已经不在下话，但呢间公司啲员工服务态度真系好差，难道公司无员工培训？完全系赶客走唔舒服谂住买碗粥食，见呢间海皇粥店都开咗好耐，谂住无死！点知系收银到企咗成5分钟都无人问我食咩，无人谂住帮我落单。之后比后面个女人打咗尖，呀姐仲谂住帮佢落单，我话我排队先，呀姐先至帮我落单先。去到比钱，我八达通唔够钱比，谂住网上增值先，叫呀姐等一等我。点知呀姐话：无钱就唔好食啦！咩叫无钱唔好食？而家系咁样做生意既？真系火都黎埋，呢间野以后唔会再帮衬！
继续阅读
好耐未食过，更加好耐未帮衬过啦！$36，依家食炸两同粥，一啲都唔平另外，我入到去，坐低叫嘢，店员即刻用刨冬瓜招呼，或者因为我短发又高大，佢以为我系北佬都未定啦！咁我当然用广东话回应，佢之后都用返广东话。话时话，依家饮食同低档零售业好多刨冬瓜人。讲返食物质素，肠粉滑咗，但油炸鬼腍咗，只有少少脆，芝麻一贯无炒香，豉油唔系甜豉油，系咸豉油，得个咸字，唔掂！豆浆正常无惊喜。呢个早餐，叫做止下心瘾，唔会系推荐嘅系列。
继续阅读
早两日去咗观塘物华街度揾食见到好多唔同嘅舖仔，都几特色。只不过想揾个宽敞少少嘅地方，最后行到去海皇粥店，就入咗去喇！坐低嘅时候见到台面都未抹干净，细心睇下个餐牌，最后拣咗个蕃茄鸡扒乌冬，同埋一个碎牛粥拼蒸萝卜糕嘅餐嚟食。蕃茄鸡扒乌冬个汤底都浓郁，只不过鸡扒得两小块好唔抵食； 碎牛粥底都算正常，只不过蒸萝卜糕就唔够热辣喇。等食嘅时候望一望过环境，除咗枱面污糟之外，周地都系垃圾，卫生情况十之十分之恶劣， 估唔到呢间舖仔至少都有六名员工，都可以咁dirty，下次都唔会考虑！
继续阅读