Freshness Burger (已結業)

幾個朋友唔知食咩好，有人提議Freshness burger，我係旺角分店食過，唔係好好食，個burger又凍又硬。今日不情願地跟大隊，仲要專登由地鐵站行過嚟食，真係有啲遠。到咗間餐廳，環境唔錯，靜靜地，傾偈一流，但係我地太嘈，我地去的話，就唔適合情侶傾偈，哈！我order咗個combo，芝士漢堡、薯格、凍檸茶(+$5)同和風沙律(+$15)。太肚餓喇，所以未影相就食咗，所以冇相。芝士漢堡同薯格都係水準以上，檸茶都唔錯，特別一讚係和風沙律，膠杯裝，大大杯，好新鮮，加上和風醬汁，正！今日大孖做老細，仲慳咗一餐添，多謝大孖。