Ikigai Concepts (已結業)

每當同朋友出去諗食咩，都會為大家想食既類型唔同而苦惱🤔今次發挖到呢間有廚師發辦、鐵板燒、天婦羅同備長炭串燒既席前料理餐廳😳幾款套餐好抵食，仲要加一百蚊就有埋啤酒放題🍺我地分別揀左天婦羅同燒板燒餐～🔸天婦羅餐🔸除左有時令既海鮮同野菜天婦羅外，仲有呢度既招牌炸蛋蝦餅飯！即叫即製既天婦羅，師傅控制得麵衣既厚薄度好好，炸起上黎酥脆又唔會過於油膩🍤即使係炸野菜都好好味😋炸蛋天婦羅飯有驚喜，蛋汁撈飯超正之餘，夾埋野菜天婦羅蝦餅食💯蝦餅底部仲有舊好厚肉既天婦羅鰻魚，肉爽有魚油香～好味🤤🔸鐵板燒餐🔸前菜既茶碗蒸好滑溜，好味到想食埋朋友個碗🙈燒加拿大銀鱈魚充滿魚油香，塊魚皮仲燒到脆卜卜😍主菜既美國肉眼揀左厚燒，半生熟既肉眼粒keep到粉嫩多汁～岩晒愛食牛既我🤤仲有伴碟既燒野菜都好甜好好食👍最後仲有一小碗既蒜香和牛櫻花蝦炒飯，飯粒炒得粒粒分明，即叫即炒好鬼惹味😋呢兩個餐配啤酒實在一流，最後仲有甜品食～滿足😍環境同食物質素都好好，鍾意同師傅交流既，又可以揀坐bar枱享受席前料理👍搵次再黎試下佢地「店中店」既意大利菜，由米芝蓮餐廳大廚主理～好吸引咁😳