茶軒台灣料理珍珠奶茶 (已結業)

報完旅行團,順道係吉之島呢頭開飯,見呢度人少少就走左入黎。地方都算大,坐番個梳化位,只係d梳化夠時候更換了,但都好過坐FOOD COURT。套餐一:黑咖喱牛肉造型黑黑,用牛展煮成,雖然係咖喱但一D香味都聞唔到,大人話味道麻麻;白飯用上肥短珍珠米,合我口味。套餐二:醬燒排骨造型好少少,一字排煮得淋,一夾就開,味道甜甜地,相信改用黑醋煮成糖醋骨更好味,成碗睇黎好多,其實碗底係一堆高麗菜,仲係硬身未煮熟個隻。每個餐另配肉燥A菜一碟,肉燥味道偏咸而且份量少,個人唔多夠伴菜食,A菜算新鮮,OK啦。七味炸魷魚鬚係炸得脆卜卜,但炸粉太厚,睇落好大條但事實每條魷魚鬚都好弱雞,七味粉味道咸咸辣辣,香口野一向都唔難食既。一籠五粒小籠包係店員推介,樣子還可但包仔貼得太埋,一夾即穿,漏到成檯汁!!肉餡雖無肥肉粒但肉質偏實,雖然汁多但都唔算好食。豆沙鍋餅大人一句都無讚過。珍珠奶茶茶味普通,勝在奶粉味唔多,珍珠偏淋而且少,唯一好處係有隻長匙方便食用;茉香珍珠太多冰,食完飯再飲已經淡晒。總括黎講食物水準超普通,連屋企附近間仙桃源都好食好多,正常就唔會再黎;服務方面反而幾好,帶位小姐同一位男侍應都幾好禮貌,彎晒身同客