美人鍋 (已結業)

之前喺尖沙咀嗰間塚田農場食過佢嘅美人鍋，望住個海景嘆住個火鍋真係一大享受。本身以為觀塘呢間都係食美人鍋唔會差得去邊，但係原來真係差天共地。我哋兩個人都叫咗個美人鍋，一個就壽喜燒骨膠原美人鍋，另一個就骨膠原美人鍋，一個set入邊包含咗免治肉，豚腩肉拼雞件，一個蔬菜盛合，另外可以選擇一個飯麵，我就選擇左個羽衣麵。另外出邊可以自由選擇飲品同埋有個沙律吧，首先講一講個免治肉，質感算係不錯，豚肉就普普通通但個雞件就非常之差，全部都係骨冇乜肉食，而且啲肉係非常鞋口，不過值得一讚嘅係個蔬菜盛合就幾豐富。但係以咁嘅價錢來講非常之不值，咁嘅價錢我應該會選擇另一間去食。