湯•米 (已易手) 新餐厅

尋晚因為要同瓊姐傾工作，準備星期四開會嘅project🤓，為縮短時間用食晚飯嘅方式傾😏😏。我哋就落咗去旺角“湯.米”一邊食一邊傾，但係食物太好食，我哋兩條友掛住食，咩工作都冇傾過😜😜。睇下個咖喱奶蓋鍋幾吸引，味道仲好好添，🍛咖喱加上🧀芝士又真係好特別喎~ 鹹鹹地又辣辣地，又香又過癮，材料十足🥘。佢哋嘅台式小食都好正宗，我哋叫咗酥脆花枝墨魚丸，台式腸仔， 麻辣臭豆腐同涼拌小青瓜，每款都好好食，值得一試😉👌🏻。最驚喜係佢哋嘅台式飲品，芝士桃桃及芝士四季春茶都好得，而且奶蓋味酸甜，如去湯.米的話，必飲之選👍🏻。