香香宮煮 (金輝大廈)

营业中

休息中

今日同屋企人去咗尖沙咀宮廷風火鍋店香香宮煮打邊爐。宮廷風嘅設計，仲有古裝服、龍椅俾食客影相打卡，夠哂gimmick。不過香香宮煮又唔係得依啲gimmick嘢，食物都好新鮮。就等我介紹以下幾款俾大家啦。鍋底我哋點咗雍穆公主-花膠雞湯鍋 。鍋底雞湯味好香濃。唔似出而嘅火鍋店，雞本身已經煮熟，所以放入鍋，湯一滾起就食得。好有心思嘅安排，雞件唔會因為由生滾到熟而老哂。花膠亦夠大件厚身。雖然依個鍋底喺餐牌上感覺最普通，但其實一啲都唔簡單。火鍋料方面，我覺得特別出色要推介俾大家嘅有以下幾款：脆鯇腩片、牛黃喉、陳年花雕雞子。脆鯇腩片好大塊同勁鮮甜，唔點醬完全食到鯇魚嘅鮮味。脆鯇腩片記得唔好煮大耐，滾三、五下就可以，耐咗魚肉會硬哂嫁。香香宮煮嘅牛黃喉喺我另一推介，口感爽脆，加上牛黃喉都切得大塊厚身，所以更有口感。最後要推介埋陳年花雕雞子俾大家。出而食到嘅通常都只係普通嘅雞子。香香宮煮嘅雞子就預先用陳年花雕醃好，滾起後，雞子滲出淡淡酒香，絕對值得一試嫁。