影片
更多
2011-10-28
22 浏览
朋友選擇嚟到哩度為佢慶祝生日,位置雖然唔係話難搵,但喺正銅鑼灣同灣仔中間就真係幾唔就腳,餐廳環境夠大夠闊落,起碼檯同檯之間唔會好近,哩一點係可取之處,估唔到閒日都會爆場,而且到9點幾10點仍然有人walk-in~~同美孚分店紅日都唔爆滿既情況簡直天壤之別,本人同時亦發現同一間餐廳竟然有一國兩制嘅問題出現,令我百思不得其解~先講book檯時不愉快經歷,想幫朋友預留一個心太軟加HAPPY BIRTHDAY字係要另加$30,$30加2隻字真係唔值,我認為哩個係service囉,加錢都唔係問題,竟然當日reconfirm booking先話要前一日落order, 因為撞啱師傅當日放假,相反美孚分店即日落order就OKAY,真係奇怪,得一個師傅提供哩個收費服務,放假就無….此乃一國兩制事件一。此總店客人同侍應既比例係反比,嚟嚟去去眼都只係見2-3個侍應,侍應無笑容不得止,客人提出要求係無反應,就算有都係一至兩個字好細聲,完全聽唔到佢講乜野?!另外,何謂荷蘭菜?!本人覺得食緊法國菜多D,每個course之間都等左好耐先上,唔係應該接住上?!耐到…..等到令人忞憎個種,大概亦係因為師傅放假嘅原因,
先講book檯時不愉快經歷,想幫朋友預留一個心太軟加HAPPY BIRTHDAY字係要另加$30,$30加2隻字真係唔值,我認為哩個係service囉,加錢都唔係問題,竟然當日reconfirm booking先話要前一日落order, 因為撞啱師傅當日放假,相反美孚分店即日落order就OKAY,真係奇怪,得一個師傅提供哩個收費服務,放假就無….此乃一國兩制事件一。
此總店客人同侍應既比例係反比,嚟嚟去去眼都只係見2-3個侍應,侍應無笑容不得止,客人提出要求係無反應,就算有都係一至兩個字好細聲,完全聽唔到佢講乜野?!另外,何謂荷蘭菜?!本人覺得食緊法國菜多D,每個course之間都等左好耐先上,唔係應該接住上?!耐到…..等到令人忞憎個種,大概亦係因為師傅放假嘅原因,真係唔知加10%俾左D乜野服務費~~~~
講番食物:-
相信係本餐廳最讚賞嘅地方,的確藍貝係主打食物,但唔知係咪每個set的價錢唔同,藍貝的大小都可以咁大分別,二人餐的藍貝用煲上檯,一人餐的藍貝同碟上檯,份量唔同一D都唔出奇,但連藍貝嘅大小都差成倍,二人餐的藍貝大過一人餐的成倍有多,又肥美又鮮甜,真係奇怪~~~source方面,忌廉磨姑味道較清淡,所以唔會搶左藍貝嘅鮮味,很好的配搭,但配車打芝士就格格不入,因為車打芝士味道太濃,完全搶去藍貝的鮮味,只食到車打芝士的咸味…..
餐湯有其色而無其味,可以skip,但餐包就好讚,黑糖麥包配上蒜容牛油,好好味,但餐包同餐湯並唔係同時間上, 餐湯大概同main course同時間上檯,而餐包就一落完單就即上,相信唔係別有用意而係疏忽大意囉~~~~
主菜叫到rib eye, 此乃一國兩制事件二,總店跟餐的肉眼係唔駛加錢,但分店的肉眼食要另加$50,真係唔知點解?!!?問人幾多成熟,話要7成, 但上檯就左邊係7成邊哂色,但右邊係5成仲係血紅色囉…真係唔知點解?!?!?肉汁同味道都還好,未知左七右五係咪師傅嘅鬼斧神工廚藝呢?!?!!?
一國兩制事件三,分店跟set的甜品係指定無得揀嘅,但總店係可以從menu自選,點解呢又?!?!!?甜品叫到心太軟….令人失望的心太軟,個心一D都唔軟…..相反個檸檬雪葩就好夠味,令人意外嘅甜品!!!!
同一間餐廳,但只有分店有現金劵送,總店就無,但分店送就只限分店用,相信係因為分店客人太少嘅關係催谷生意,但咁樣做法,客人永遠唔會知/試到有其他分店,明知地方偏僻就唔應該仲有咁多規限,咁樣只會令客人有現金劵都唔會再幫趁囉~~~
總店同分店都試過,如果唔係未試過嘅朋友再次要求嚟食,我應該唔會encore.....
张贴