漁場台風

营业中

休息中

今次嗌咗$83鱼介沾面 +$10 一百克面底，酱油多（简称重口味）嘅汤底。依间出名份量比一般嘅拉面店多，而出到嚟嘅份量目测之下好似真喺比出面多（以每次我都加底嚟计）。面比平时食开嘅粗啲，弹牙啲，钟意食粗面嘅人应该会享受，面底本身唔喺白灼，有调味有油色泽。半份溏心蛋中规中矩，有正常发挥，但紫纸约莫得半块且好薄，咬落口感就差啲。其他配料喺汤度，一如以往食客所讲，好似梅到溶咗落汤，唔喺好睇到，而且依度唔喺豚肉片、叉烧片，喺有啲脂肪嘅猪肉粒，好唔好味就见仁见智，个人还可以接受。汤方面味道好，鱼介味浓而柔滑，面一放落去就已挂汤，味道浓郁，因为我嗌多酱油，所以卖相色泽好深，更浓更咸啲，钟意重口味嘅人可以一试。