影片
更多
2020-02-18
558 浏览
Carbone #中環又到咗black series嘅時候啦🤩🤩🤩可以以優惠價食到black sheep🐑旗下嘅餐廳，佢哋有各種唔同格調、菜式、價位嘅餐廳，較為耳熟能詳嘅包括今次食嘅Fukuro、La Vache!、米芝蓮一星嘅Belon，仲有我上年試過覺得超好食嘅阿根廷菜Buenos Aires Polo Club！今次呢間位於LKF，食意粉西餐，佢嘅意大利粉得到多人讚賞㗎🤤！$208/1 Garlic cheese bread, salami, cheese, meatball🥙連前菜都絕對唔馬虎，餐包搽上咗蒜蓉香草，烘到非常香口，配上一啖辣肉腸同芝士，確係不錯。另外佢嗰兩粒肉丸貌似普通，但其實味道非常豐富，入面含有各種香草、甚至有啲花籽，用上半肥瘦嘅豬肉，再淋上番茄醬，絕非平凡嘅肉丸。Spicy Rigatoni Vodka🍝呢一道意大利粉可以稱得上為佢哋嘅signature，嚟嘅人都一定會嗌，短身嘅長通粉非常可愛。味道其實有啲似肉醬意粉，但係就加埋vodka, onion, chilli，味道更rich，唔會太酸，亦唔覺膩。Chicken Parmesan🐔完全冇諗過係成個pi
又到咗black series嘅時候啦🤩🤩🤩可以以優惠價食到black sheep🐑旗下嘅餐廳，佢哋有各種唔同格調、菜式、價位嘅餐廳，較為耳熟能詳嘅包括今次食嘅Fukuro、La Vache!、米芝蓮一星嘅Belon，仲有我上年試過覺得超好食嘅阿根廷菜Buenos Aires Polo Club！今次呢間位於LKF，食意粉西餐，佢嘅意大利粉得到多人讚賞㗎🤤！
$208/1
Garlic cheese bread, salami, cheese, meatball🥙
連前菜都絕對唔馬虎，餐包搽上咗蒜蓉香草，烘到非常香口，配上一啖辣肉腸同芝士，確係不錯。另外佢嗰兩粒肉丸貌似普通，但其實味道非常豐富，入面含有各種香草、甚至有啲花籽，用上半肥瘦嘅豬肉，再淋上番茄醬，絕非平凡嘅肉丸。
Spicy Rigatoni Vodka🍝
呢一道意大利粉可以稱得上為佢哋嘅signature，嚟嘅人都一定會嗌，短身嘅長通粉非常可愛。味道其實有啲似肉醬意粉，但係就加埋vodka, onion, chilli，味道更rich，唔會太酸，亦唔覺膩。
Chicken Parmesan🐔
完全冇諗過係成個pizza咁🤣用咗雞胸肉作為pizza餅底，將雞胸肉點上麵包糠炸，雞胸肉本身偏薄，所以炸完之後非常薄脆。雖然只係有番茄醬同埋芝士係面，但係一啲都唔覺得單調，反而仲覺得好惹味。
Nutella gelato🍨
榛子雪糕作為總結，唔好以為面頭嗰啲只係朱古力碎咁簡單，原來係一啲海鹽嚟㗎！榛子味濃，添上朱古力碎同埋海鹽，係完美嘅結束。
整體來講，每一碟依然保持到black sheep restaurants嘅質素，全部都唔會令你失望。不過味道方面主要以番茄同埋芝士為主，感覺上冇咁特別，未至於會好驚艷。
味道: 4.2/5
性價比: 4/5
张贴
