麵鮮醬油房周月 (景隆街) (已結業)

有唔少人介紹呢間「周月」既沾麵。於是特登來銅鑼灣試下係咪真係咁好食😛嗌左一個香辣沾麵(濃汁、涼麵)，分量就同樣價錢，原本想少少地食100G，不過職員就話100G真係太少，建議嗌200G，都幾貼心😉沾麵既湯裏面會有豚肉、蔥同少少配料肉比較肥，好入味，仲有少少炭燒既香味，做得幾好。麵有啲硬(唔係彈牙)，而且湯偏油膩。整體以米芝蓮都推薦過既質素黎講就差左少少…價錢都唔平，出面仲有好多食沾麵既選擇，短期內未必會再返黎食。