Mamaday (已結業)

Bookmark咗好耐終於可以嚟試吓呢間玩味Cafe。無論係餐牌定係碗碗碟碟，都富有創意同埋特色，好有心思！🍴 唔好抱咁大期望蒲燒鰻魚蛋包飯 ($124 +$28 升級原條鰻魚) ⭐️⭐️⭐️⭐️💫升級版係有成條完整嘅鰻魚，果然冇後悔加咗錢升級，因為真係大得誇張。鰻魚汁甜甜地，配合埋超肥美嘅鰻魚，再加上整得好靚嘅蛋包飯，配合得非常之好！啲飯唔係白飯咁簡單，用咗有麻油嘅汁嚟調味，完美將成個飯昇華咗！可能佢叫我唔好咁抱咁大期望，所以我覺得個成品係超乎左我嘅期望！🍴 Mamaday Carnivore Cheeseburger 有得食手打漢堡仲想點? ($88) ⭐️⭐️⭐️⭐️同個名一樣， $88有得食burger仲想點樣?!午餐來講算係幾大舊，仲要有薯條做伴碟，中間塊肉扒係由肉碎製成，煎得都算幾香，唔錯㗎 ！🍴 73.5%朱古力最好味 (+$26) + 澳洲肥威 (+$26) ⭐️⭐️⭐️⭐️💫朱古力奶係超濃味，應該真係用咗73.5%嘅朱古力製成，飲完都唔夠喉！而呢個Flat white，個拉花拉得幾靚，個咖啡杯同隻碟又好靚，打卡一流！.............................. Mamaday