冬暖夏涼 濃雞湯車仔麵館 (已結業)

今日收工，同老公都懶得煮飯，路過骨煲皇，想打邊爐，但得兩條友，唯有諗過第二樣，見到旁邊好大隻字寫住「冬暖夏涼」，望真d原來係食車仔麵！唔駛等位，就試試佢！叫左個冷面餐，老公就食湯麵餐，餐飲轉左做蜂蜜蘆薈清潤飲，位位45蚊。冷麵d餐，有鹿兒島魷魚，麻香炸菜腎片，惹味凍筍，涼拌海帶結配左拉麵同蒜香醬油汁。醬汁既蒜味唔太濃但味道適中，無將餸既味道蓋過！鹿兒島魷魚，有陣陣wasabi 味，感覺好得意，炸菜腎片，有小小麻辣味，好香好惹味。老公食個個麵入面有瑞士雞翼同墨丸，雞翼好入味，墨丸勁彈牙，而且個雞湯加腩汁都好好味，一d都唔油而跟餐既飲品，好似涼茶咁，有家既感覺！