影片
更多
2023-05-27
120 浏览
意大利菜小編都食過唔少，但係意大利fusion omakase係香港就唔多見。餐廳大廚係米芝蓮意大利餐廳擔任大廚多年，結合自身嘅廚藝擅長運用日本食材去創造新派意大利菜。9 Course Omakase Tasting Menu $1580/ppAmuse Bouche青豆撻加入左洋蔥、青豆蓉和用醋浸泡過嘅蠶豆。醋味突出又開胃。煙燻鰻魚脆片芥末製成嘅脆片上面放左麻葉、煙燻過嘅鰻魚和蛋黃醬，充滿煙熏味又帶芥末嘅辛辣。Hamachi, Blood Orange, Sicilian Lemon師傳巧妙地利用日本油甘魚嘅鮨香、西西里血橙嘅甜味、佛手柑嘅酸和意大利黑魚子嘅咸香營造成四重嘅味道，豐富嘅層次令人覺得好驚喜。Red Prawn, Gazpacho接下來嘅菜式係西西里紅蝦他他。新鮮嘅西西里紅蝦，配上低溫榨取嘅蝦油、檸檬醋和西班牙凍湯就大功告成。攞盤部分加入左蝦油炸成蝦片做裝飾。蝦肉嘅鮮甜和檸檬醋嘅酸味作為依道菜嘅主調。Hokkaido Scallop, Daikon, Oyster Leaf大隻厚身嘅北海道帶子輕微炙燒表面到半生熟，加入日本大根、蘿蔔高湯煮成嘅泡沫、鰹魚水、粉紅色嘅手指青檸
9 Course Omakase Tasting Menu $1580/pp
Amuse Bouche
青豆撻
加入左洋蔥、青豆蓉和用醋浸泡過嘅蠶豆。醋味突出又開胃。
煙燻鰻魚脆片
芥末製成嘅脆片上面放左麻葉、煙燻過嘅鰻魚和蛋黃醬，充滿煙熏味又帶芥末嘅辛辣。
Hamachi, Blood Orange, Sicilian Lemon
師傳巧妙地利用日本油甘魚嘅鮨香、西西里血橙嘅甜味、佛手柑嘅酸和意大利黑魚子嘅咸香營造成四重嘅味道，豐富嘅層次令人覺得好驚喜。
Red Prawn, Gazpacho
接下來嘅菜式係西西里紅蝦他他。新鮮嘅西西里紅蝦，配上低溫榨取嘅蝦油、檸檬醋和西班牙凍湯就大功告成。攞盤部分加入左蝦油炸成蝦片做裝飾。蝦肉嘅鮮甜和檸檬醋嘅酸味作為依道菜嘅主調。
Hokkaido Scallop, Daikon, Oyster Leaf
大隻厚身嘅北海道帶子輕微炙燒表面到半生熟，加入日本大根、蘿蔔高湯煮成嘅泡沫、鰹魚水、粉紅色嘅手指青檸果肉和綠色帶生蠔味道嘅香葉。半生熟嘅帶子口感會比較爽口，大根和手指青檸亦都令到鮮味更加突出。
Langoustine, Caviar, zucchini
雪白嘅紐西蘭小龍蝦肉，配搭意大利黑魚籽，和用牛油炒香嘅青瓜。醬汁方面加入刁草油和香檳汁，味道相對較清新。
Sea Urchin, Cauliflower, Potato, Yuzu
用葛粉透明嘅水晶麵包，上面放左海膽、椰菜花蓉和用分子料理製成嘅柚子透明珠。師傅介紹先食海膽嘅部分，第一啖就試到水晶麵包嘅香脆和海膽醬嘅鮮味，第二啖就有柚子嘅酸味，前後有一種互相呼應嘅感覺。
Blue Lobster, Bisque, Seaweed
採用法國藍龍蝦，配搭牛油蒜苗和用龍蝦煮成嘅濃湯。龍蝦肉彈牙又鮮甜，濃湯更加帶出龍蝦嘅甜味。
*
Wagyu, Pumpkin, Mushroom
A5和牛選用西冷部位。因為和牛油脂比較多，師傅選用牛油炒香嘅南瓜粒，醋炒香嘅日本野菌和紅酒牛肉汁中和油膩感。
Panna Cotta, Black Sesame
最後甜品係黑芝麻意式奶凍，廚師用加入左rasberry foam去帶出酸甜開胃解膩嘅感覺。
總括嚟講每一道菜都有驚喜，同平時食開嘅意大利菜完全唔同，希望下次嚟可以試吓其他菜式。
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
IO Italian Omakase (中環)
中環德己立街21號The Plaza 2樓
୨୧┈┈┈┈┈┈┈┈┈┈┈┈┈┈┈┈┈┈┈┈୨୧
张贴
