四爺車仔麵專門店 (已結業)

OT完便跟同事趕快食個quick dinner，車仔麵是不二之選！大門被開揚的環境嚇一嚇，食慣迫到冇位擺野，郁都郁唔到嘅車仔麵檔，竟然有咁闊落鋪頭同乾淨，真係難得😌😌除咗有車仔麵，仲有唔同嘅燉湯，平時好少返屋企食飯，好耐都冇飲過湯水lu🤤🤤🤤貢棗響螺燉花膠，熱辣辣嘅原盅燉湯，一打開有花膠、螺頭、雞腳藥材料煲成，真材實料😱😱😱三餸一麵，配料比一般車仔麵選擇更多，麵款亦有罕見嘅銀針粉揀！而且仲可以揀加底或少麵，對於細食嘅人真係福音，唔洗怕俾人鬧浪費食物！揀咗豬紅，牛根腩和皇帝菜配米粉🤤🤤🤤平時打邊爐好鍾意食皇帝菜，竟然可以喺車仔麵店見到有皇帝菜！值得一讚嘅係豬紅和牛筋腩都係分開上，醬料原汁原味唔怕溝淡味道！同事嘅雞翼，糖心蛋粗麵，賣相唔錯，而且用托盤上菜，唔怕lur骨唔洗lur落枱乾淨又衛生😍😍飲品都可以揀甜度和冰量，少冰少甜嘅凍檸蜜❤️😋😋😋非常鍾意四爺車仔麵！