放下素 (已結業)

搵食既星期六又黎到登龍街，基於唔係好想諗食咩，所以次次都係呢d搵野食😂今次俾我發現左永光中心開左間素食主題餐廳《放下素》，上到去原來係食素食自助餐架，個場好大，環境不錯，聽個老闆講佢地係香港最大既素食餐廳。好鐘意佢地素食得黎，款式相當多。其中一款素食burger 都係自創。另外仲有乾果機，撈埋沙律一齊食最好味～ Pizza 係最搶手，我見一出唔洗幾分鐘就好快無曬😂 好彩都俾我試倒，而且refill既速度都好手。天婦羅茄子紅米湯都好香脆。炸素春卷：外皮炸到脆卜卜，裹面都keep倒個鮮味唔會好乾。甜品方面我食左椰汁馬豆糕，細細件，岩岩好。小菜：豆豉南瓜🎃，南瓜煮得夠冧。節瓜炒黑木耳，我發現佢地既野食無乜油份，睇落都健康d 大致上都幾好，會繼續再黎食。