影片
港铁铜锣湾站 B 出口
继续阅读
开饭介绍
铜锣湾新台式素食自助餐，有超过80款素菜，果干选择，更可自制素汉堡。
继续阅读
营业时间
星期一至日
11:45 - 14:30
18:00 - 21:45
以上资料只供参考，请与餐厅确认详情
相关文章
依间喺铜锣湾旺区登龙街嘅素食自助餐，唔净系食素，仲系一间社企，好有心。款式都好多，晚餐有分中餐区同西餐区。西餐有pizza、班㦸、薯饼等等。我最中意就系个苏格兰炸蛋，用紫薯代替肉品，包住鸡蛋再炸，比平时食嘅冇咁腻又健康。另外佢沙律吧都好丰富，除咗生菜等等，都有几款水果。值得一提系自家制果干，够哂心思。中餐就更多元化，有姜醋蛋，唔会太硬啱哂我，唔算好浓易入口。有酸辣红薯粉，我夹咗几次，少少辣好惹味。另外仲有娃娃菜蒸粉丝、南瓜炆芋头等等。佢嘅凉拌青瓜有落到苹果醋，味道更多层次。我最中意系个炒花菜，爽口鲜甜，又系夹咗几次。有煎堆同炸馒头，香口满足感大。最后糖水有南瓜芋头西米露，椰香，加上一齐煲过，唔会话味道分离，值得一吃🤘🏻
继续阅读
虽然呢排示威浪潮好劲，但系饭总系要食既，香港既餐厅呢排生意都好惨淡，为左表示支持，所以衬今日无咁乱既情况下就去左铜锣湾食饭，我地拣左简良心餐厅，专做素食既社企 - 放下素呢间社企最特别既地方系会请一啲复康人士帮手，因此呢排示威，老板都同我地讲可能要早少少关门，原因唔系因为无乜生意，而系担心员工既安全，担心佢地返屋企都未必咁顺利，而且做厨出身既老板仲同我地分享呢到既野食既整法，所以我觉得呢到既老板好有人情味～讲返野食先～呢间餐厅主要系做中西式既素食自助餐，有好多唔同款式既菜式，而且有D菜式都系做得好用心同好有特色，绝对无揸流摊～其中印象比较深刻既有炸物，包括有素蚝、素茄子同素南瓜，炸物要炸得好食一啲都唔容易，呢到炸物既外皮炸得好薄好脆，小小油香但油而不腻，特别系素茄子，茄子肉好冧好软，而素蚝既味道都同真蚝好相似，炸物系我既至爱～另外，有啲菜式都好特别，例如素薄饼，薄饼系薄薄脆底，面头舖满蕃茄酱，好香口又惹味。西班牙蛋饼以薯仔片配上蛋浆制成，十分香口，而且仲有自助沙律吧，岩中意食唔同菜式既人，有哂唔同口味。另外餐厅都有自助野饮吧，可以斟罗汉果茶饮，清清淡淡咁～最紧要店舖好阔落，座位又大，坐得好舒服，坐耐少少都唔会赶！人情味一流
继续阅读
放下素系听日10月9日最后一日营业，要去就趁早！🥳.前排好兴素食自助餐，小编好认同放下素嘅理念，佢地除左推广素食同环保♻️，仲会聘请失聪或自闭人士，协助弱势社群就业，良心企业黎架👍🏽 一坐低老板介绍餐具每人一套，以减少不必要既浪费，更环保☺️.沙律吧🥗沙律吧虽然唔算大，但应有尽有，沙律菜、青瓜、萝卜丝等，仲有多款酱料自己拣。一黎到食碟新鲜嘅沙律，令人十分开胃😋.西式熟食区🍝有素食拿破仑披萨🍕，日式大阪烧，苏格兰蛋，燕麦提子曲奇🍪，热香饼，咖喱薯饼，薯角，沙律卷等。小编推荐大家试日式大阪烧，好有创意！🤣.仲有自制汉堡包🍔 首先将汉堡包皮放入面包机烘热，放上生菜蕃茄，配上茄汁同自制素汉堡扒，就完成✅ 食落去同普通汉堡包一样好味，但就健康好多😍.趁佢最后一日营业，去支持下呢间良心社企啦💛祝各位同餐厅一样，学会放下☺️.放下素📍铜锣湾登龙街28号永光中心3楼
继续阅读
通常放假都大鱼大肉，最近突然想清心寡欲肉食下素。于是就揾左呢间起登龙街既素食buffet, 原来10月9 就结业了，啱啱赶得切黎试下。✨热盘有十几款，仲d 前菜，汤，糖水。天妇罗有茄子，南瓜，秋葵，炸粉做得几松化。✨另外仲有炸物同沙律区✨萝白同支竹都炆得好入味，苦瓜蛋估唔到几嫩滑，加左d 菜莆～苦中带甜。椰菜花同手撕包菜清甜原汁原味，加上调味几好食。✨呢个素汉堡扒都几得意，入面系用鹰咀豆蓉，蔬菜，木耳等等mix 埋一齐， 味道新奇又有少少似汉堡扒既感觉。✨苏格兰蛋卖相几过瘾，外皮系紫薯蓉黎ge~ 沙律卷味道丰富，入面仲系wasabi 味沙律酱，呢个我几钟意。✨咖哩薯饼够惹味又唔会太辣，pizza 薄得黎好脆好香芝士味，加埋蕃茄酱简简单单已经好好味。✨最后食埋个糖水～感觉几清润，又有d 红枣香，仲有薏米，雪耳，蕃薯，真系几啱呢个天气。
继续阅读
重要事情要在开始讲，放下素将于10月9日最后一日营业，要去就要趁早。放下素位于铜锣湾登龙街。之前几次跟朋友经过也想试一试，终于今日有机会。一坐下老板便跟我们介绍他的概念，推广素食和环保之外，回馈社会，聘请社会弱小。每人只有一份餐具重复使用，每人尽一点力，支持环保。沙律前菜(⭐⭐⭐⭐💢)沙律吧麻雀虽小，但五脏俱全，包括了沙律菜，青瓜，萝卜丝等等，而且还可以选择配不同酱料。健康关系，选了黑醋配橄榄油。吃起来都挺新鲜爽脆，令人十分开胃。除此以外还有冰镇菜心和秋葵，都是夏日的开胃好选择。 不同炸物(⭐⭐⭐⭐⭐)这里有不少炸物，对于喜欢香口的我就最适合不过。包括了咖哩薯饼，南瓜天妇罗，茄子天妇罗 ，素炸生蚝等等。酥炸生蚝其实是香菇，炸得一层层，吃起来有口感，而且惹味。而且要特别一赞的是每盘食物份量不太多，吃完便立刻再Refill。这样可以保持炸物新鲜脆口。其他热盘(⭐⭐⭐⭐💢)除此以外还有种种不同的热盘，包括了炒什菜，苦瓜滑蛋，蒸豆腐和寿包等等。当中最喜欢豆豉蒸豆腐，十分嫩口，香滑，豆味十足。粉面(⭐⭐⭐⭐💢)最后还拿了个香菇粟米炒饭，吃点淀粉质才饱肚。虽然不及扬州炒饭那么多配料，但仍然十分不错，炒饭十分干身，为这午餐画上完美的句号。饮品(⭐⭐⭐⭐⭐)除了指定饮品外，罗汉果茶和橙味水都是无限饮。没有落糖，十分解渴。不喜欢罗汉果的朋友可以试一试橙水，味道清淡而且健康。总括而言，这间餐厅地点方便就脚，而且好吃有。兴趣的朋友一定要10月9日前去试一试。~~~~~~~~~~~~~~~~~~~~~~~~ 放下素 香港铜锣湾登龙街28号永光中心3楼推介菜式：饮品、不同炸物👍🏻地点方便 👍🏻社会企业👍🏻价钱亲民
继续阅读