憶食尚臘味煲仔飯

营业中

休息中

憶尚膳就喺屋企附近開咗一段時間一路都未有機會試下 今日工人姐姐放假就同媽咪過嚟食！雖然餐廳係主打煲仔飯同埋中式小菜 但裝修格局就非常西式 以藍白色為主題幾特別特色臘味煲仔飯煲仔飯入面 有臘鴨 臘腸同臘肉 店員上菜嘅時候幫我哋灑上蔥花同埋豉油撈勻 臘鴨充滿鹹香唔會死鹹 臘腸係用茅台調製 食落去真係有陣酒香 🤤 臘肉肥瘦均勻 肉香重滲透曬落飯度 飯粒粒粒均勻飽滿 中間嘅飯軟綿香口 煲邊嘅飯焦香脆惹味菠蘿咕嚕肉咕嚕肉外皮脆肉質嫩滑 味道酸酸甜甜 用嚟送飯一流👍🏻我哋仲嗌咗份時令時菜菜心新鮮嫩綠 食落去爽脆冇渣 清清淡淡加埋蠔油嘅調味啱啱好~