心夜來潮 (已搬遷) 新店位置

行過見呢間野勁多人，連舖外都擺滿枱，一於等埋一份食佢先。餐牌唔多野揀，但好多樣野都未聽過，想試哂喎，好彩有細size揀，等我試多幾款先。先叫罐王老吉解下渴。菜茶，有菜心，荷蘭豆，花生，炒米，蝦米，臘腸等，好多料。所有材料切碎，泡上湯，好似滿滿一碗嘅特式湯飯咁，味道特別，口感十足。牛雜鍋，有蠟燭喺鍋底加熱，香味濃郁，牛雜軟淋入味，唔錯呀。醬滷鴨，非一般潮州鹵水鴨，用上醬油煮成，鴨肉嫩滑。手打牛丸，牛丸爽口但似乎平平無奇，食唔出有咩特別？！XO醬炒腸粉，腸粉炒得乾身，鹹鹹辣辣幾惹味。小米餃，有點蒸太久了，皮厚且糊了，入口有强烈蝦米味。豬油渣炒菜心，菜心翠綠清甜，唔錯。手士捻面猴，個名好特別呀，一塊塊粉皮咁樣嘅野同鹹菜，冬菇，魷魚等同煮，湯頭濃郁，吃罷十分暖胃。無估到要細份都好大碟，兩個人叫太多啦，飽到爆 味道還不錯但每一味也略鹹了點，可能要配返白粥食。