滿粥順德粥底海鮮火鍋

营业中

休息中

之前喺廣州食過粥底打邊爐， 同朋友講開佢話屋企樓下開咗一間粥底打邊爐， 於是走咗去新蒲崗同朋友一齊試下， 舖頭細細間但係新裝修都坐得好舒服 海鮮鍋係人頭計…… 每人$198 包咗海鮮五款及自選7款火鍋配料 ，份量唔夠可以追加配料而價錢都唔貴， 我哋加咗 一份魚皮餃一份蔬菜都係每份十幾蚊 飲品都係十二蚊罐。蝦蟹鮑魚都好新鮮好鮮味 貝類好大隻好多肉， 店員好細心咁同我哋講解每類食物嘅烹調時間， 每張枱都有計時器 依次序時間就能食到最好味嘅，除咗主要嘅海鮮仲有蟹籽丸、 墨魚滑、 花之丸、 肥牛、黑豚肉…… 全部都好好食， 食到尾聲店員就會 幫我哋落南瓜粟米到粥底裏面，滾一陣就有一碗熱辣辣 超濃海鮮味嘅海鮮粥。