Greyhound Café (國際金融中心) (已結業)

成日經過IFC Greyhound已經想試好耐，今晚終於有機會同老婆去食dinner。七點半去到已經坐滿人，但因為有訂枱 , 所以餐廳好快就安排我哋坐入房，房入面除咗張二人枱外仲有張六人枱，絕對岩曬成班friend搞gathering。我先點了Ice lemon tea，D冰都係用lemon tea，唔好溝淡啲茶味，值得一讚；而老婆則點了藍蘭豆甜菊茶，雖然叫甜菊茶，飲落又唔係好甜，有淡淡嘅菊味，岩曬女士。 前菜當然點了餐廳招牌菜脆炸單骨雞翼，仲有意大利肉腸芝士餡餅。雞翼香口，餡餅反而有特別的感覺幾好食。主菜係泰式河蝦冬蔭公湯河粉同泰式銀魚柳意大利麵。冬蔭公湯味濃但唔太辣，不過配料唔夠大份。銀魚柳意大利麵就鹹鹹地辣辣地幾野味，夠特別。 甜品有椰子千層蛋糕同蘋果金寶。千層蛋糕中間有椰子肉，啲cream應該係用椰子打成，好重椰子味，感覺幾fresh。蘋果金寶原來係蘋果肉加啲脆曲奇，蘋果肉整得好好食，食完唔會覺得漏。 Greyhound整體嚟講食物水準唔差，價錢都合理，值得推介。