影片
更多
2017-08-09
62 浏览
提到日本魚生，多數人都會諗到三文魚同吞拿魚等等，前排係朋友臉書見到呢間鱈卵屋主打鱈魚子菜式，覺得幾特別就黎試下。餐廳位於銅鑼灣永光商業大廈，地鐵站一出行兩步就到，非常方便。可能因為時間尚早，餐廳都未係咁多人，唔駛等就有位，座位都算闊落，檯同檯之間唔會好迫。兩個人叫左兩個主菜同一個小食，份量剛剛好。明太汁燒雞翼 :雞翼用明太子汁燒過後，食落香脆可口，味道帶微辣，餐廳用單骨雞翼燒，咁食既時候更加方便，但得五隻真係唔多夠喉。海鮮鱈卵卷 :用混有鱈魚子既飯做成既飯卷，內餡有三文魚及油甘魚，魚生非常新鮮鮮甜，少量既鱈魚子帶出普通飯卷所無既香氣，令人非常開胃。牡蠣明太子奶油鍋 :上檯時已經聞到好香奶油味，再於檯上慢慢翻滾，香味真係令人流晒口水，店員仲好細心咁間中會幫你攪攪個鍋避免黏底。鍋入面有鱈魚子，蠔，西蘭花，豆腐，金菇同菜，份量十足。當然要先試試個湯啦，非常鮮甜，令人飲到停唔到口，蠔亦好新鮮，配菜沾滿湯後亦非常好味，下次真係要加埋個稻庭烏冬試試。無酒精西班牙雞尾酒 :因我同朋友都唔想飲酒，所以叫左呢杯無酒精雞尾酒。雞尾酒味道似混合果汁，尤其重提子味，但又唔會好甜，配埋少量水果粒，非常清新。今次
餐廳位於銅鑼灣永光商業大廈，地鐵站一出行兩步就到，非常方便。
可能因為時間尚早，餐廳都未係咁多人，唔駛等就有位，座位都算闊落，檯同檯之間唔會好迫。
兩個人叫左兩個主菜同一個小食，份量剛剛好。
明太汁燒雞翼 :
雞翼用明太子汁燒過後，食落香脆可口，味道帶微辣，餐廳用單骨雞翼燒，咁食既時候更加方便，但得五隻真係唔多夠喉。
海鮮鱈卵卷 :
用混有鱈魚子既飯做成既飯卷，內餡有三文魚及油甘魚，魚生非常新鮮鮮甜，少量既鱈魚子帶出普通飯卷所無既香氣，令人非常開胃。
牡蠣明太子奶油鍋 :
上檯時已經聞到好香奶油味，再於檯上慢慢翻滾，香味真係令人流晒口水，店員仲好細心咁間中會幫你攪攪個鍋避免黏底。
鍋入面有鱈魚子，蠔，西蘭花，豆腐，金菇同菜，份量十足。當然要先試試個湯啦，非常鮮甜，令人飲到停唔到口，蠔亦好新鮮，配菜沾滿湯後亦非常好味，下次真係要加埋個稻庭烏冬試試。
無酒精西班牙雞尾酒 :
因我同朋友都唔想飲酒，所以叫左呢杯無酒精雞尾酒。雞尾酒味道似混合果汁，尤其重提子味，但又唔會好甜，配埋少量水果粒，非常清新。
今次真係第一次試全鱈魚子宴，感覺都幾新鮮。餐廳仲有好多鱈魚子既食品賣，鍾意食鱈魚子既朋友真係可以買返屋企慢慢食。
张贴
