稻八日式火鍋炸物放題 (已結業)

同幾個朋友去左大埔呢間日式火鍋店度食，事關有朋友生日，順便慶祝埋。到左之後，我生日嘅朋友二話不說就叫左個最貴嘅盛盒（$368）...再揀左四個火鍋湯底（北海道3.7牛乳牛骨湯、地獄火岩湯、壽喜燒甜醬油湯、鮮番茄湯）。揀完湯底，本來想去廁所，但比一樣野吸引左我！就係「自助炸爐」！佢放哂啲己經串好左嘅燒物，隔離有炸醬同炸粉，仲有炸爐！如果大家黎到想自己整就要小心同跟佢地啲守則喇！隔左陣海鮮同埋刺身都好返來左，但係呢間鋪頭出色嘅地方就係牛肉，所以同啲朋友叫咗頭一轉刺身同埋海鮮之後，就主力食牛啦。佢啲牛肉唔會太肥，脂肪比都好均勻。雖然呢間鋪頭主打牛肉，但係都仲有羊肉雞肉呢啲選擇。係度食咗差唔多個半鐘，呢度嘅職員嘅服務態度非常之好，佢哋除咗不斷同你加添湯底之外，同埋好快就會清左啲吉碟，仲成日會問你夠唔夠呀？需唔需要添加食物？呢間店舖比到一個好親切嘅感覺，下一次一定會再光臨呢間店舖。