影片
更多
2018-04-10
57 浏览
同朋友係寶石戲院睇(55蚊真係好抵睇)完戲，剛剛好夜晚7點幾到晚飯時間，見到對面街呢間冰室，夠晒就腳，於是入黎開餐。我同朋友分別點左兩個唔同既餐，一齊開心些牙。肉食神獸朋友點左個星級扒餐，老納我就點左個黑松露奄烈蛋，再加個小食椒鹽雞翼。沙律一碗有二人份量份量，有粟米、雜果，粟米粒粒飽滿又香甜，好多沙律醬，唔濟反而愈食愈開胃。個星級扒餐好爆，入面有煙三文魚、炸帶子、香草腸、雞扒同牛扒，份量十足。炸帶子有厚厚麵包糠，炸帶子個皮炸到好香口感極佳。扒大大塊，真係名符其實既星級份量，雜扒配薯菜，D扒好大塊無雪味，醃得入味，條香草腸夠咸香好正；重口味人士既老納揀左配咖哩汁，咖哩汁香濃帶點椰香味既微甜，不錯哦。叫了一杯龍鳳0樂，咸咸甜甜，配扒餐好好配搭，好refreshing。另一份點左，黑松露雜菌玉子燒，玉子燒既蛋煎得好嫩滑，蛋味香層次厚實配埋香濃松露混菇醬好好食。不得不提，呢個餐跟既撈丁即食麵幾彈牙， 唔會煮到過左火位糊左，而係撈左個燒汁，都保留一定口感，帶點挺身。西餐當然要點番杯西式特飲-----cappuccino，先夠貼地，估你唔到既係，冰室沖既咖啡都幾有水準，味帶香濃濃。小食就點左椒鹽雞
我同朋友分別點左兩個唔同既餐，一齊開心些牙。
肉食神獸朋友點左個星級扒餐，老納我就點左個黑松露奄烈蛋，再加個小食椒鹽雞翼。
沙律一碗有二人份量份量，有粟米、雜果，粟米粒粒飽滿又香甜，好多沙律醬，唔濟反而愈食愈開胃。
個星級扒餐好爆，入面有煙三文魚、炸帶子、香草腸、雞扒同牛扒，份量十足。
炸帶子有厚厚麵包糠，炸帶子個皮炸到好香口感極佳。
扒大大塊，真係名符其實既星級份量，雜扒配薯菜，D扒好大塊無雪味，醃得入味，條香草腸夠咸香好正；重口味人士既老納揀左配咖哩汁，咖哩汁香濃帶點椰香味既微甜，不錯哦。
叫了一杯龍鳳0樂，咸咸甜甜，配扒餐好好配搭，好refreshing。
另一份點左，黑松露雜菌玉子燒，玉子燒既蛋煎得好嫩滑，蛋味香層次厚實配埋香濃松露混菇醬好好食。不得不提，呢個餐跟既撈丁即食麵幾彈牙， 唔會煮到過左火位糊左，而係撈左個燒汁，都保留一定口感，帶點挺身。
西餐當然要點番杯西式特飲-----cappuccino，先夠貼地，估你唔到既係，冰室沖既咖啡都幾有水準，味帶香濃濃。
小食就點左椒鹽雞翼，炸得好脆，相當入味，食落香脆肉嫩，少少辣辣地, 幾惹味， 裡面仲有炸到鎖到肉汁，估唔到都幾好食! 有D驚喜!
餐廳中掛住好多Marvel既掛畫同figures, 成間餐廳四面都係鏡同光猛，視覺上影襯好闊落，坐得自在醒神!
整體來說，呢間冰室既食物種類多而特別，餐類創新意，同其他既冰室既食物類型有點分別，份量屬巨無霸級別且好味道，兩個人食左咁多野又飽到反艇，埋單都只係兩舊，絕對係性價比高系列之選。
本MENU好碟，選擇多到花多眼亂，單係特飲都揀左我一晏仔，哈，下次黎試下好多冰室都失傳左既黑牛。
张贴
