車品品小食 (已結業)

想一想，已好久沒有到車品品嘞...尋日去食魚湯米線，本欲之後去車品品食番碗白粥，但因實在太飽，不得要領...知道老闆娘呢排又有新出品，心有不甘，翌日再坐車去大擦一番...七週年傑作八喜撈，再加杯金牛，夠嘞啩...阿姐問要粗麵定幼麵，梗係要粗la，食落更有口感ma..陣容鼎盛，以煙韌粗麵配上方魚肉鬆，再加上黑白芝蔴、大量葱粒及地道黑螺壺底醬油...當然唔少得靚豬油la...味道係點? 有靚豬油及靚豉油，再撈落D煙韌十足嘅麵上，又有乜理由唔好食?若果D黑白芝蔴可以略炒過，再撈落D麵度，D味就會更出、更香，美中不足...大家可以試吓加上撚手嘅辣菜甫上去，更美味...唔使加肉鬆都已係一流傑作...認真佩服老闆娘嘅心機及創意...金牛對我呢亭老人家嚟講反而冇乜特別，Vanilla ice-cream溝玉泉忌亷，細個時己經常嚟個自製mocktail，志在懷舊一番而已...唔夠飽，再叫一碗魯肉餃。蝦子份量足又香；餃皮煙韌，肉微甜，水準保持...下次叫埋太座去，可以叫埋豬油炸多寶魚皮，實行嚟個"豬油宴"...諗起都流口水...