Rerere1001日式串燒 (已結業)

一個人行行吓，痴起條筋想食啲串燒。見到有新店喺附近，膽粗粗試吓。一出𨋢見到有地道風味嘅裝修。🇯🇵問店長有乜介紹，佢建議左幾度小食。先上一碟日本椰菜，店長話原來係會將啲串燒放上去，所以清清口裏面嘅肉味，也可以加啲特製miso, 非常好味。😋日本和牛非常好味！！厚切牛舌好juicy。 鵪鶉蛋有啲凍，小小失望。特別推介雞肉棒🐓同埋炸蝦肉餅🦀！！其實係餐牌裏面仲有好多嘢想食，不過好飽😩另外啲店員都好友善，服務態度好好，店長叫Lockie, 佢對吹左陣，發覺原來佢對酒嘅認知好深，下次試吓佢推介嘅sake🍶🥃！**別注**呢度有個好大嘅露台，可以坐低食嘢飲酒食煙🍺🍴🚬，對於食煙嘅我真係冇得頂！下次上嚟再報告！