花朝軒 (已結業)

平時入西貢，都係為左搵野食，行行吓突然間想食海鮮，見到呢間裝修得幾靚，就冇諗入咗去，菜式都算多，我同女朋友花多眼亂，最後都係叫左個二人套餐晚餐！紅燒雞絲翅呢個可以話係呢個二人套餐入面嘅王牌，雖然係第一道上嘅菜但係仍然印象深刻，雞絲嘅香味完完全全滲透入去個翅度，超正！乾煎銀鱈魚銀鱈魚平時都好少食，但今次印象原來可以係好好食，雖然係乾淨，但係魚肉入面仍然保持濕潤，食粒外脆內軟，十分滋味！蠔仔肉碎泡飯西貢海鮮咁出名當然一定要試吓啦，泡飯就食得多，呢個蠔仔肉碎泡飯頗有特色，蠔仔細細粒，容易入口，仲要十分鮮味，口感一流！最重要係泡飯嘅湯，鮮味十足，話咁快就連飯食晒！