Lo Spazio (已結業)

今日難得收早，就同兩個中學同學去食一餐普通便飯，朋友提議去食西餐就靈機一觸喺銅鑼灣有一間唔錯嘅就去試吓好好彩嗰日係平日唔使點等位就有得入去食，之後我哋點左田園沙律，水牛雞翼，蜆肉意粉，仲有我最愛嘅黑松露意大利飯，先講個頭盤沙律，非常開胃而且加埋橄欖油同黑醋係最好嘅配搭，之後到小食水牛雞翼煎得非常香口，加埋個醬汁非常合配係我喜歡食嘅味道，以蜆肉意粉略嫌唔夠鹹味但整體都非常好食意大利面咬口非常好唔會煮得過熟，依個意大利飯加埋黑松露係我最喜歡嘅一道菜，而且忌廉嘅香味蓋過成個飯，而且今日飲酒仲有半價優惠，而且仲有白酒，好適合一班男士一路吹水一路食晚飯嘅感覺，而且呢度嘅服務非常專業下次一定會再去。