YKK建榮

营业中

休息中

難得同同事共進晚餐，揀左容易增進感情既火鍋，大排擋環境令大家可以輕鬆暢談，忘記公事～我哋揀咗大雜錦拼盤4個人食，食材種類頗多！卜卜蜆鮮魚湯鍋煲湯底胡椒味好重，又放咗啲薑，師傅話就返啲唔中意魚腥味的朋友，由於加咗呢兩樣嘢，所以都幾辣同惹味吓，冬天食真喺一流。同埋好中意見到啲湯呈奶白色！！因為呢種湯嘅顏色基本上都代表咗褒湯材料多，仲有就喺蛽肉數量超多，而且好新鮮，每啖肉食落去都會勁嫩口，加上啲蛽肉吸收咗啲湯嘅味道，個配搭真喺會食到唔停得口。店內師傅特別推薦炸響鈴，我哋都將啲響鈴放咗落湯到2至3秒就撈起，啲響鈴嘅味道同炸魚皮超級相似～牛肉質素都好高，同事表示完全無牛騷味，牛嘅脂肪又均勻，佢哋真喺連豉油都唔洗蘸。