影片
更多
2022-05-28
118 浏览
放工後約朋友食野飲幾杯，永遠都係減壓嘅最好方法🥳。今次就黎到尖沙咀天文臺圍呢間非常之stylish嘅串燒居酒屋試試，位置比較隱蔽，但酒香不怕巷子深，平日晚上都好多客人光顧。 居酒屋位於酒店地鋪，入口處係仿日式園林裝修，暗黑燈光嘅樓梯已經係一個打卡位😆。由於黎得比較早，有幸坐到餐廳最特別嘅兩人位，做過攝影師嘅店長好nice，幫我地影左唔少靚相🥰。 餐廳menu以清酒同串燒為主，客人更加可以從各式各樣嘅酒杯裡面揀自己鐘意嘅杯，簡直係儀式感up🤩。 ❤Sake 仁井田 自然酒米味比較重嘅清酒，唔太甜，比較能夠飲到清酒原味，酒精度16.5%。 ❤Sake 安藝虎土佐錦味道同上面果款截然不同，水果甜味比較突出，質感順滑，酒精度都有15%。因為容易入口，不知不覺會飲多左😆。 ❤荔枝豬肉卷我最鐘意呢個串燒，encore左兩次😋。半肥瘦嘅豬肉薄片包住大大粒荔枝，豬肉片被烤得有少少焦香味，清甜多汁嘅荔枝肉提味之餘，正好中和油脂嘅肥膩感。 ❤雞皮紫蘇蝦卷一直覺得紫蘇葉嘅獨特香氣非常吸引。呢個串燒係用大片紫蘇葉緊緊包住去殼海蝦，然後外面再包一層雞皮。雞皮微脆而且鹹香味十足，蝦肉新鮮彈牙，整體層次好豐富。 ❤
居酒屋位於酒店地鋪，入口處係仿日式園林裝修，暗黑燈光嘅樓梯已經係一個打卡位😆。由於黎得比較早，有幸坐到餐廳最特別嘅兩人位，做過攝影師嘅店長好nice，幫我地影左唔少靚相🥰。
餐廳menu以清酒同串燒為主，客人更加可以從各式各樣嘅酒杯裡面揀自己鐘意嘅杯，簡直係儀式感up🤩。
❤Sake 仁井田 自然酒
米味比較重嘅清酒，唔太甜，比較能夠飲到清酒原味，酒精度16.5%。
❤Sake 安藝虎土佐錦
味道同上面果款截然不同，水果甜味比較突出，質感順滑，酒精度都有15%。因為容易入口，不知不覺會飲多左😆。
❤荔枝豬肉卷
我最鐘意呢個串燒，encore左兩次😋。半肥瘦嘅豬肉薄片包住大大粒荔枝，豬肉片被烤得有少少焦香味，清甜多汁嘅荔枝肉提味之餘，正好中和油脂嘅肥膩感。
❤雞皮紫蘇蝦卷
一直覺得紫蘇葉嘅獨特香氣非常吸引。呢個串燒係用大片紫蘇葉緊緊包住去殼海蝦，然後外面再包一層雞皮。雞皮微脆而且鹹香味十足，蝦肉新鮮彈牙，整體層次好豐富。
❤雞皮
比起包住海蝦嘅雞皮，呢個淨雞皮燒得更加薄脆，咬落蘇化，好適合作為下酒小食👍。
❤自家製免治雞肉軟骨
免治雞肉裡面有細細粒雞軟骨，有爽脆口感同埋濃厚嘅日式醬油味道。
❤海膽松葉蟹蓋甲羅燒
店員會端上迷你燒烤爐幫手燒，將大量松葉蟹膏、蟹肉同蟹籽混和，燒幾分鐘後，再加入海膽，味道香濃，用黎點梳打餅食非常鮮味。
❤鳥之提燈
呢個係餐廳推介嘅串燒，據說係串燒界嘅珍品，有時要預訂先有😯。賣相好特別，好似吊住個燈籠仔咁，燈籠仔其實係未生成蛋殼嘅雞蛋，串串部分係母雞嘅輸卵管部位。串燒部分燒得焦脆，雞蛋外皮則有少少煙韌，裡面係流心同有濃郁嘅蛋黃香味。
❤清雞湯茶漬飯
呢個適合喺餐飯尾聲時食，雞湯味道好鮮甜好好飲，飲完咁多冰凍sake後，食一碗熱辣辣嘅茶漬飯暖胃係非常唔錯嘅選擇👍。
张贴
