大熱高湯麵 (已結業)

之前經過幾次都已經好想試下,尋晚終於試到! 因為一個人怕食唔哂, 只係食咗大高湯陽春麵同溏心蛋。一見到個麵, 奶白色的湯, 忍唔住即刻要飲返啖! 根本就係翅湯嚟! 食得出無味精! 麵上有D金華火腿絲, 令到成碗麵有少少咸香, 生色不少。但係個麵就略為平淡咗D, 無咩特別, 如果係煙靭的手工拉麵會更好, 比較掛湯。但最後我都成碗連湯食哂!至於溏心蛋, 睇落好好味, 但係因為個人不喜歡太重酒味, 所以我麻麻地鐘意食。