影片
更多
2020-02-17
49 浏览
今日想同朋友食日本嘢，見到呢一間主打忌廉烏冬嘅餐廳，所以就走咗去食啦！我哋大概七點左右到餐廳，冇諗過疫情咁嚴重間餐廳都咁多人嚟食！不過餐廳都好貼心有一張紙，係提醒顧客小心衛生！而餐廳係用手機scan QR Code，然後落單嘅好方便！而且唔使download任何Apps就可以點餐！餐廳嘅食物選擇好多有烏冬、有拉麵亦都有飯，同各種小食！我同朋友買咗三款小食包括芝麻醬滑豆腐，食落去兩舊大豆腐好滑身，亦都好重豆腐味！而我哋亦都嗌左一串厚切牛舌，廚師燒得啱啱好而且真係好厚身，食落去唔會話好鹹！而呢一個牛乳忌廉餅，$30其實都好大舊，而且炸得啱啱好唔會好油，食落去好脆身，入邊嘅忌廉亦都唔會好膩！呢一個佢哋主打嘅黑松露忌廉海鮮烏冬真係好好食！佢啲忌廉湯好濃郁而且唔會係好黏身嗰種，所以食落去會想飲埋佢個湯！而且佢嘅海鮮有兩粒好大嘅扇貝同三四舊三文魚，我朋友食落去都話好新鮮好好食！而佢嘅烏冬係非常之彈牙，個人都好想下次嗌返一個嚟食下！最後我哋做帶咗一個小桶山薑玉子鯛魚腩飯，佢睇落去好似鰻魚飯，食落口其實都會食得出鯛魚同鰻魚嘅分別！而且佢嘅玉子好厚身，而且好滑，雖然佢個名係寫小桶，但我一個人其實都真係食
我哋大概七點左右到餐廳，冇諗過疫情咁嚴重間餐廳都咁多人嚟食！不過餐廳都好貼心有一張紙，係提醒顧客小心衛生！
而餐廳係用手機scan QR Code，然後落單嘅好方便！而且唔使download任何Apps就可以點餐！餐廳嘅食物選擇好多有烏冬、有拉麵亦都有飯，同各種小食！
我同朋友買咗三款小食包括芝麻醬滑豆腐，食落去兩舊大豆腐好滑身，亦都好重豆腐味！而我哋亦都嗌左一串厚切牛舌，廚師燒得啱啱好而且真係好厚身，食落去唔會話好鹹！而呢一個牛乳忌廉餅，$30其實都好大舊，而且炸得啱啱好唔會好油，食落去好脆身，入邊嘅忌廉亦都唔會好膩！
呢一個佢哋主打嘅黑松露忌廉海鮮烏冬真係好好食！佢啲忌廉湯好濃郁而且唔會係好黏身嗰種，所以食落去會想飲埋佢個湯！而且佢嘅海鮮有兩粒好大嘅扇貝同三四舊三文魚，我朋友食落去都話好新鮮好好食！而佢嘅烏冬係非常之彈牙，個人都好想下次嗌返一個嚟食下！
最後我哋做帶咗一個小桶山薑玉子鯛魚腩飯，佢睇落去好似鰻魚飯，食落口其實都會食得出鯛魚同鰻魚嘅分別！而且佢嘅玉子好厚身，而且好滑，雖然佢個名係寫小桶，但我一個人其實都真係食唔晒🤣所以其實唔使$100就食到咁嘅質素同份量，真係好抵食！
张贴
