影片
更多
2012-08-21
18 浏览
今日有個舊同學生日，約左4個人加埋我5個去左荃灣行街，睇戲，食飯，行完街睇完戲就緊係去食飯喇，壽星妹就提議話去食放題，我同其他人緊係冇意見喇，再加上我自己都想去食放題，於是就去左荃灣廣場間串(日式放題專門店)食放題！皆因去到串都8點9，果到D員工建議我地等埋9點有八折優惠，咁我地緊係等埋果三個字喇！入到去都未坐定就即刻瘋狂咁叫野食，第一樣就緊係叫壽司丫刺身喇！岩岩俾左單冇耐(我諗5分鐘左右喇)D刺身就到哂喇，仲要真係俾足哂，串D刺身同其他放題對比起上黎都比較新鮮！雖然馬刀貝我唔知係咩黎，不過食落又幾鮮甜幾爽口！呢間鋪主打鐵板同串燒，皆因我地坐嘅位可以睇到鐵板師傅整野食嘅位，見到師傅認真地烹調食物，我就以經好心急想一試為快。首先黎嘅係鐵板牛柳粒，味道適中而且咬落好淋，唔似一般嘅平價牛柳，跟住黎嘅係牛油鐵板蝦，牛油味好香好濃，再黎係鐵板帆立貝，雖然個size係細D，但係師傅煎得兩面都好香脆，值得一讚，跟住仲有鐵板金菇牛肉卷，龍脷柳，豚肉扒同炒野菜等等，全部都係水準以上！跟住串燒就特別鍾意食牛柳粒串，多春魚，煙肉車厘茄，雞軟骨，呢幾款都燒得好香，而且味道適中，還有燒粟米同燒茄子，我地都係一點
入到去都未坐定就即刻瘋狂咁叫野食，第一樣就緊係叫壽司丫刺身喇！岩岩俾左單冇耐(我諗5分鐘左右喇)D刺身就到哂喇，仲要真係俾足哂，串D刺身同其他放題對比起上黎都比較新鮮！雖然馬刀貝我唔知係咩黎，不過食落又幾鮮甜幾爽口！
呢間鋪主打鐵板同串燒，皆因我地坐嘅位可以睇到鐵板師傅整野食嘅位，見到師傅認真地烹調食物，我就以經好心急想一試為快。首先黎嘅係鐵板牛柳粒，味道適中而且咬落好淋，唔似一般嘅平價牛柳，跟住黎嘅係牛油鐵板蝦，牛油味好香好濃，再黎係鐵板帆立貝，雖然個size係細D，但係師傅煎得兩面都好香脆，值得一讚，跟住仲有鐵板金菇牛肉卷，龍脷柳，豚肉扒同炒野菜等等，全部都係水準以上！
跟住串燒就特別鍾意食牛柳粒串，多春魚，煙肉車厘茄，雞軟骨，呢幾款都燒得好香，而且味道適中，還有燒粟米同燒茄子，我地都係一點再點！
最後當然唔少得天婦羅同一D炸物啦，天婦羅的脆漿效果唔錯，唔會太厚粉，我特別鍾意食炸蠔同炸帶子，師傅都炸得好金黃好脆口，我嘅同學講話要炸到D野食有咁嘅效果，除左要考師傅既技術之外，仲要用新鮮嘅油先做到！
食左1個鐘，都差唔多飽喇，最後叫左個蟹肉炒飯(因為未試過用鐵板炒出黎嘅飯會係點)睇住師傅純熟嘅技巧，一陣間就將我要嘅炒飯炒好，一試味道適中，飯炒到粒粒分開，口感好好！
最後諗住埋單，果度D員工提我地仲有甜品(雀巢雪糕)，咁我地緊係食埋先走啦，最後埋單每人都只係$151蚊，真係超抵食。中途有段小插曲，我地叫左雞骨腸冇黎到，搵經理先生幫手跟，經理佢同我地解釋呢款野賣晒，冇貨，所以唔會有，之後佢同我地介紹話遲D會轉餐牌，會加好多新款既菜色，叫我地遲D再黎試下！
张贴