富滿樓海鮮酒家 (已結業)

早收工，多数都同mama去左呢间酒楼饮茶，这里的下午茶一点四十五分就开始，平日都冇咁多人，到星期日就超多人，一到够钟啲人就会蜂拥而出去拎野食，经过一轮狂风扫落叶之后，出面想食既点心已经食不到，差不多两点几至三点果段时间已经开始冇乜野食，只系得番啲抵食夹大件既野。试过虾饺同烧卖都算ok既，虾饺都算大粒，有虾爽口，但第二次去已经皮厚左啲，冇咁好食，鱼翅饺就蒸得比较淋，但竟然比我揾到而家酒楼好少有既蜂巢炸芋角，奶皇饱麻麻地，偏甜。烧肉饭$21.8,但烧肉只有4-5旧，饭多。叉烧苏酥皮比较厚左啲，馅少！豉汁蒸凤爪都好食，仲有鸡札，韮菜饺都可一试，去到都来不及人快，春卷，肠粉，大排档既野食及想试既点心都比人一扫而空。侍应不够，等左阵先揾到人执枱及冲茶，两个人叫了5-6个点心，埋单大约$90-$120，好饱呢...