富滿樓海鮮酒家 (已結業)

早收工，多數都同mama去左呢間酒樓飲茶，這裡的下午茶一點四十五分就開始，平日都冇咁多人，到星期日就超多人，一到夠鐘啲人就會蜂擁而出去拎野食，經過一輪狂風掃落葉之後，出面想食既點心已經食不到，差不多兩點幾至三點果段時間已經開始冇乜野食，只係得番啲抵食夾大件既野。試過蝦餃同燒賣都算ok既，蝦餃都算大粒，有蝦爽口，但第二次去已經皮厚左啲，冇咁好食，魚翅餃就蒸得比較淋，但竟然比我揾到而家酒樓好少有既蜂巢炸芋角，奶皇飽麻麻地，偏甜。燒肉飯$21.8,但燒肉只有4-5舊，飯多。叉燒蘇酥皮比較厚左啲，餡少！豉汁蒸鳳爪都好食，仲有雞札，韮菜餃都可一試，去到都來不及人快，春卷，腸粉，大排檔既野食及想試既點心都比人一掃而空。侍應不夠，等左陣先揾到人執枱及沖茶，兩個人叫了5-6個點心，埋單大約$90-$120，好飽呢...

飲早茶，選擇左富滿樓海鮮酒家，點心由$12.8到31（假日加一蚊），算係幾平。重要可以自成一角叫左排骨、鼓汁鳳爪、叉燒包、牛柏葉、燒賣、豬手、白雲鳳爪、多春魚、即煎年糕羅白糕、即煎𧶽粉、雞絲炒麵同燒肉飯。排骨、鼓汁鳳爪、牛柏葉夠入味。叉燒包無咩叉燒，包鬆軟。燒賣肉質教削，無質感。豬手、白雲鳳爪入味，爽口，好食。多春魚偏淋，無咩春。即煎年糕羅白糕、即煎𧶽粉，即叫即煎，熱辣香脆，好好食。雞絲炒麵（$52）大大份，抵食。燒肉飯（$21.8）多飯無咩肉，唔夠汁。六個大人、三個小朋友、食飽都係三百幾蚊，超值。係一個好既敘腳點。

在上水探朋友，於是友人提對議到附近食一個晚膳。天地一號，在內地有得賣，在香港好少見到，突然在酒樓見到，好開心立刻叫一天，抵食海蝦，彈牙，GOOD， 九人邊食邊影相。魚香茄子好夠料，份量大，只售$48， 味道不會太咸，魚香不是很多。可以再改良一下。送飯，正燒鵝上台夠熱，D皮都脆身，不會太油。不是間間酒樓都醃得好，呢道不錯，百幾蚊。OK AR黑椒牛仔骨，不會拿到無味，重有少少CHEWING， 同埋D黑椒好入味，不錯。炸子雞，夠脆，不過肉有D，鞋鞋地。OVER ALL OK。一間村屋酒樓做得不錯，味道OK。一個普通中菜的落腳點。

又再次來這兒吃，因為那個姨姨又叫我們參加一個聚會，今次是歌頌親恩，因為慶祝過了的母親節及快來的父親節。（父親節對於我來說是令我最傷心的日子，因為本人的父親已離開了我們三年多）。食物方面和上次差不多，當然是和上次有少許不同的！有：燒味併盆雀巢雞柳炒螺片及西芹草菇瑤柱金菇絲繪青江菜炸蝦球及海鮮沙律春卷紅燒翅鵝掌生菜炆花菇蒸石斑一條南乳吊燒雞燒味併盆－雞和叉燒好鹹，本來有燒肉的，但給其他人吃了。雀巢雞柳炒螺片及西芹－呢味最好味的，因為ｄ雞柳及螺片炒得好好味呀！草菇瑤柆金菇絲繪青江菜－呢味最健康！因為有草菇及金菇絲，但我不愛吃青江菜，我都好鍾意！炸蝦球併海鮮沙律春卷－好好味，ｄ炸蝦球好香，有蝦味，正！紅燒翅－很好味，其實裡面有素翅，但都有少許真翅，好好味！鵝掌生菜炆花菇－不錯，這味是最健康的，因為有很多菜及花菇吃！（我沒有吃鵝掌！）蒸石斑一條－今次蒸得好好味，雖然有很多芫茜在面頭，但也好好味（我沒有吃芫茜！）南乳吊燒雞－最難食的一味，今次佢地蒸得太鞋啦，好老！連我媽媽都話好鞋！其實應該仲有麵和飯的，但因為我頭痛，所以吃到中途終於忍不住和媽媽回家，怕會嘔呢！（放心，不關這些餸事，只是我一直都頭痛

有個姨姨叫我和媽媽參加華明女青會秀群會搞的三八婦女節慶祝晚會，有抽獎、跳舞及唱卡拉ｏｋ，我們屬珊瑚花席，可是抽獎抽極都沒有我們份。好慘！點解我和媽媽沒有抽獎運！今次的菜都很多。食物包括：燒味併盤，有燒鴨、叉燒、燒肉－不好吃，因為太鹹雀巢芹菜雞柳－好好味及好新穎的一個菜，雞柳好滑呀！玉環瑤柱甫－本來是最期待的一樣菜，可惜佢地是用脆肉瓜而不是用節瓜，有些失望，但都好好味！魚翅湯－好好味呀，好杰，正！蓮偶炆豬手－蓮偶好爽，不錯，但豬手太肥啦！生菜炆鴨掌－我不愛吃鴨掌，所以沒吃鴨掌！但有生菜和花菇在這，不錯，生菜及花菇都好好味！清蒸大海星班－差！條魚好多芫茜係附近，而且蒸的好老！魚肉好鞋！脆皮炸子雞－正！Ｄ皮又香又脆，雞肉好滑，簡直係皮脆肉嫩呀！湯麵及荷葉飯－荷葉飯好好味但麵就太淋及有皂水味！精美甜品：紅豆沙－因為健康問題沒有吃！合時鮮果：橙－好味，好鮮甜!環境方面：不錯，有個舞池，但細了點，大點就更好！服務方面，不過不失啦，做野算勤快及醒目，佢地都好主動同你換碟！衛生方面，地方企理，洗手間地下好污糟，厠所格太細。食物：脆皮炸子雞（正） 下次我會試下這間酒樓的點心！

朋友生日到上水遊玩，一地膽介紹這平民化得來食物又十分好吃的酒樓。一進門口，侍應便十分雀躍地向友人打招呼，相信因為畢竟是地膽吧。搶先要了一個花膠冬瓜盅，雖然花膠不是很多，但那清甜的湯水，及可口的冬瓜，絶對是夏日的佳品。跟着要重點推介的是片皮鴨。皮脆肉嫩，加上醬料及麵粉皮更是一絶。第三樣必食的是砵酒焗蠔，脆脆的外皮包著嫩滑的蠔，當咬下去時新鮮的肉汁流出來時還混有少許酒味。蠔新鮮之餘味道也配得很好。還一樣惹味食品是咖喱牛腩，咖喱味香但不辣，牛腩肥瘦適中，真叫人吃完又吃。然而，名廚也會有失手的時候。咕嚕魚較乾，吃下去時有點硬。蒸鱔的魚片較薄，久了一些口味，魚的鮮味也不太足。最後的蒜蓉白菜仔其實不過不失，不過可能因為之前的食物太精采了，所以沒有太大的驚喜吧。

於一及二月生日飯局中，大家揀了上水一間酒樓，由於飯局於在新春期間，獨立房間較為難book，所以一間房中另有兩檯客人。點了一圍二千多的餐，碟碟份量都不少。依且味道亦都不錯，最愛炸蟹箝，熱辣辣夠彈牙！乳豬件夠脆口，帶少少肥！ＯＫ蒸魚亦都不差，沒過火，肉質鮮夠滑！服務方面亦都不錯，快手快腳！

任食的糖水, 是日沒有了最受歡迎的香芋西米 !芝士焗龍蝦, 叫了伊麵底, 早知叫上湯啦.... 最好都食唔晒 !椒鹽魷魚鬚 麻麻, 沒有海鮮咁出色 !最錯是叫了片皮鴨, 勁勁酒, 食完勁肥多五磅 !豆苗係當日唯一清晒既食品 , 哈哈 ...

DINNER 一家好抵食一行七位到此 DINNER我想講當日侍應好好人, 好貼心照顧老人家 , 又幫忙剪細食物反而我未去之前, 當日接聽電話的經理 . 態度好差 ! 問佢有咩菜式, 佢竟叫我黎到先睇啦 ....大佬呀, 實岩食架啦 ??? 都痴架 !老公都讚呢餐好味, 尤其係條魚, 炸得好正 ~ 又唔會乾身 ~提提大家, 晚膳糖水係出面自取任拎 ~ (FREE 架) 仲有四式選擇呢 .....

2010年3月13日 ( 2-2 ) 上水 ( 富滿樓 - 1 ) 晚宴 日程：( Saizeriya - 富滿樓海鮮酒家 ) 每年一度山友聯歡宴，地點為上水天平村，山長水遠，似乎很遠，皆因大部份山友居於北區的呢！上高山那怕遠，何況，有得吃，當然受歡迎了，平時行山出席人數，一般約20至30人，今天出席人數總共有84人，不過，每年也是這樣的，有得吃時出席率總是會特別高，其實，除了吃之外，大家也樂於聊聊天、唱唱歌、飲飲酒，樂也融融呢！乳豬拚盤：除了乳豬外，還有油雞、燒鴨、叉燒及海哲；乳豬頗瘦，豬皮雖然不是燒得太鬆化，但肉質頗入味；油雞算是嫩滑，但肥膩了一點，味道也只是普通而矣；叉燒唔太肥，輕帶蜜味，香甜可口；海哲爽脆而亦有咬口。西蘭花鳳片拔蚌：西蘭花青綠爽甜，雞肉嫩滑，象拔蚌煙韌對味，芡汁不多，調味幾好，整道菜做得色味俱全。翡翠金錢好事：翡翠乃生菜，生菜爽嫩，金錢是東菇，東菇香腍而入味，好事就是蠔鼓，蠔鼓質素幾好，蠔豉味道香濃，還嚼到獨有的甘香，只是腍了些，再添上冶味的蠔油芡汁，令至菜餚生色不少。百花球拼黃金條：百花球即炸蝦丸，蝦丸炸得夠金黃而又酥脆，不覺油膩，還有彈牙口感，炸得香口又

平時都有去開呢間富滿樓。。。其實Ｄ　野都幾抵食。。。食材新鮮。做街坊生意得黎都無乜呃秤我最喜歡呢度Ｄ乳豬。。非常脆皮好食。。。下次影Ｄ相同大家分享。。晚飯必選

由細食到大, 而家上水墟大把酒樓如果唔係星期日佢易d搵位, 一定唔會去食食物冇一道特別好味, d味精多得緊要!特別係d蝦, 咸到乜咁態度仲勁! 因為仲係自己搵位侍應通常唔會show你, 靜係識幫熟人搶位收錢個2個仲勁, 收錢仲係咁同同事傾計從來冇聽過佢地同客講多謝!

以前呢間野叫"富江"，不過而家易左手…好多年水準一直下降…其實都知道外面野食好多味精…不過佢真係多得滯…野食一次比一次鹹…而且不同的菜好似都係咁上下味…不過佢係屋村酒樓，始終有人貪就腳而去…我家人都說「又貴，服務又差，又唔好食…」不過問題就係老人家唔想去遠的地方…

好多年冇入過呢間屋邨酒樓, 上面係體育館, 有次同男友打波之前飲下午茶, 點左幾籠點心, 經典! 從未食過有咁厚ge蝦餃皮, 其實味道都ok, 但係塊粉皮.....厚到你唔信.....好似塊餅咁! 水晶包都係! =_="嚴格黎講唔可以話係一浸皮, 而係一個殼! 係呢度點心退步左, 定係細個果時冇要求? 總之, 如果想見識下仿壁球製作的蝦餃, 水晶包, 強烈推薦呢度!

最鍾意食佢既牛仔骨, 最CHEAP 係冇CARD 碌!! 成日要比CASH !!