金記冰室 (Two Harbour Square) (已結業)

今日去左觀塘，幫女朋友去一田買餸整聖誕大餐。買野之前先去填飽個肚。觀塘新分店金記冰室，經過就入去食個tea啦。價錢唔算貴，而且選擇好多，環境好乾淨又好光，有別於一般既茶餐廳。我見到有頁餐牌推介餐廳既金牌菜式，我見到西多士就叫左啦！即叫即炸熱辣辣，西多士鬆軟外層香脆，入口香甜夠哂香口，旁邊配上一球雪糕，一冷一熱夠哂滿足喎！我再加點一杯懷舊紅豆冰，粒粒紅豆好大粒好足料，入口有微微椰香，紅豆軟糯，好重豆香。