影片
成日喺观塘出没，但较少会途经呢边。本身谂住唔食啦，全早餐好似太饱，又惊中午肚饿 😅，都系食份三文治烘底稳阵 😛入座唔需要叫侍应开单，直接扫枱面单二维码，正合乎我心意。（一直觉得呢样系有需要 🙂）手机落单选项清晰。三文治选项有烘底飞边或不飞边，走油或少油，多仔细 😮餐饮拣斋啡，无谂过竟然有层咖啡油脂 😮。可惜只杯太残旧 😂餐蛋治比我预期大啲。烘底程度明显，厚厚嘅炒蛋，餐肉再厚啲啲可能仲好 😛星期六早上，非繁忙时段。员工都有礼貌，没有hard feeling。全数 $35。唯独是卡位设计太贴张枱，有啲逼 😂😂
继续阅读
第一次写食评！第一次咁受气！未入到去，喺门口收银处买个外卖已经受个亚姐气！再发现原来个经理就系喺隔离睇住都唔出声！由经理到收银都不知所谓！做服务性行业最基本嘅礼貌都冇！简直赶客！食个茶餐冇谂过要有贵宾嘅服务，但调返转要受气就冇谂过啰！星期日下午office area完全唔系繁忙时间态度都咁差！仲要唔知点解只系星期六、日只收现金？！平日都系用开八达通，点知你会星期六、日唔收？！可唔可以态度好啲咁话俾客人知？洗唔洗咁串？！洗唔洗要闹客？！以后唔会再去，亦叫晒啲同事行远啲都唔会再帮衬！周边大把食肆！今时今日咁嘅服务态度！睇吓佢老板会养佢同佢倒米几耐！
继续阅读
下午茶时间想揾个地方倾下计，又唔系想食太多野。金记冰室系一个几好既选择。环境方面，位于海滨附近，人流唔算多，有好多卡位，坐得都几舒服😌主要想同朋友倾下计，又唔想食太多野既话，佢有包餐系一个唔错既选择。价钱亦都较其他下午茶餐抵。呑拿鱼包配阿华田佢既呑拿鱼包都几新鲜，有热辣辣感觉，唔会似放左好耐既冻包。咬落去都好松软👍🏻吞拿鱼亦都唔会腥。食完个包，慢慢坐都唔会有赶客既情况，的确系一个倾计好地方🤗
继续阅读
最钟意食下午茶，鸡髀薯条，金记快靓正方便。中规中矩啦，因为佢唔系热辣辣，如果热辣辣漏汁就正啦。佢呢个系香嘅薯条就系热辣辣嘅，又唔会话好饱，做下午茶真系啱啱好。❤️
继续阅读
啱啱去食咗金记冰室，讲呢，呢度啲嘢食真系好有自己风味。🍽 蒸黄花鱼𠮶只，滑溜溜嘅鱼肉，淋咗啲豆酱上面，够晒咸香，而且蒸得恰到好处，每一啖咬落去都觉得鱼味好鲜。再嚟讲块西冷牛扒，佢哋嘅煎功夫一流，八成熟嘅牛肉，一刀落去，肉汁四溅，微微啲蒜蓉汁扫上面，香味扑鼻！配意粉就咁嗞一啖，够哂口感。仲有𠮶碟金银蛋肉碎浸时蔬，食落去满足感十足啊，材料谂头足，尤其配白饭食，简直系点都离唔开碗。至于晨早既临餐，个牛油方包外皮面包脆，入面牛油香浓，好过瘾。炒蛋滑唔溜丢，多嚿牛份量足，只系讲到咸牛肉有时咸咗啲，但系呢啲小问题根本影响唔到佢哋嘅美味度啊，每一啖都系趁热嗌埋去。😋 食完呢咁满足嘅一顿，真系令人满足哂！下次仲会再黎添！👌🏻👌🏻👌🏻
继续阅读