意粉屋 (已結業)

今日去市廣場shopping，跟住就係醫肚，小兔最鍾意呢度嘅牛油果飯，一心去食。去到原來已經係下午茶時間，下午茶餐第二份做半價，咁不妨又試吓。我地叫咗海鮮天使麵，肉醬千層麵加酥皮海鮮湯，重附設飲品添。海鮮天使麵先嚟，可惜冇乜味道，自己加調味料及芝士粉オ可入口，而且都幾油，到千層麵嚟到，兼開食吓，先至食完。個千層麵係芝士焗，味道濃郁，麵質軟硬適中，好好食，果湯有煙肉同小海鮮，味道一般，飲品要咗熱啡，普通貨式，不過Ｄ侍應報務都幾好，幾有禮貌，我地問茶餐一送一的問題，都不厭其煩地解釋。呢度環境舒適，唔會太嘈，幾好，下次嚟試個牛油果版。