魚米之尊 (已結業)

第一次嚟呢度係晚市時段，入到去覺得間嘢裝修得幾靚。我叫咗個"套餐精選"A餐，每個$48，加$3轉飲薰衣草茶。個餐有好多嘢食，其中以魚湯米線同桂花糕最好食。個waiter好搞笑，令到我哋食得幾開心！之後嚟過幾次呢度食下午茶，只係$20，有一碗麵、一塊多士同一杯嘢飲，杯嘢又夠大杯。麵方面最好叫米線，因為係魚湯底，唔會有魚腥味。呢間d嘢食的確係幾好，但係d服務又真係差咗少少。有時d多士要催佢先嚟，同埋要杯茶起碼要叫兩次。不過呢度可以坐好耐，次次嚟都坐成兩粒鐘先走，食吓嘢吹吓水都幾好！