魚米之尊 (已結業)

魚米之尊 , 來親都系食下午荼. 一碗魚湯面, 多士, 一杯野飲(冷熱用價) $26碗魚湯好味. 一d 都唔醒.加左幾蚊, 但塊豬扒細左....件厚多士好食, 好多奶油 杯凍咖啡, 凍奶茶 夠濃. 須然加左價, 但都系抵既.會再來.

這是友人早前試吃過的所謂私房菜,她認為水準頗好,於是約了我來試吃,因我的身體不適,友人打了電話來查詢會否有很多煎炸或熱氣的食物....店方表示只有兩三款小吃是如此,本來打算友人吃剩了也沒關係的...或許是身體不好,以致心情也好像有點受影響了,來到看見有四五樣是熱氣或刺激性較高的食物,真的想頭也不回的一走了之呢!車厘茄:茄的面層撤了點話梅粉,酸酸甜甜的開胃小吃.雞腳:汁醬味道不錯豆腐:湯汁還微熱,與豆腐一拼吃之.稍鹹了點,亦炸得乾了些蒜蓉蒸扇貝:本身是白汁焗蠔或蒜香蠔的,店員主動建議轉了這個....極多蒜泥,吃後整個咀巴也是蒜味,扇貝頗又嫩又夠味,不錯!養生魚湯蟹鍋:湯內有白蘿蔔,腐竹及蟹,未知是否放了大量薑呢?喝了一碗後,喉嚨位置暖暖的,令身心舒暢,如不是有蘿蔔及腐竹較涼的話,我會喝多點的,蟹應該是水蟹吧?沒什麼味道可言呢!豉汁炒花甲:豉汁味頗濃,亦頗辣,吃了三數隻已投降,花甲肉很嫩滑,讚!咖喱汁及Naan:餐牌上的是咖喱豬扒包,但不知為何變了這個,但雖也沒有深究就算了,熱呼呼的挺好吃,咖喱汁對我來說頗辣,但友人說一點辣味也沒有...上湯龍蝦:汁的芡頗稠,令味道大打折扣,蝦肉亦不爽甜,

旺角 耐唔耐都會來, 食下午茶 . 果個 下午茶時間好底食.$23 1. 魚湯麵: 魚湯底好鮮甜, 濃郁. 我每次都要公仔麵. 系來ga.2. 多士: 超好食, . 做到好似仙跡岩咁, 外脆, 內軟. 又超多奶 Wor. 3. 1 杯飲野: 凍+$2. 凍都好濃. d 開料唔差. 當然會再來食下午茶啦. 咁好食, 又底

早前在openrice看食評，見到有人評到呢間野勁差。所以特地親身去食。食左個私房菜套餐，$138十幾個菜。十幾個菜真係好好食..特別推介呢個蕃茄仔..蕃茄仔上面既話梅粉,完全張蕃茄仔既甜味帶哂出黎..食完真係想再食lor..仲有個蟹湯..好甘好入味..又香...冬天飲真係超正..荷葉飯又係一絕..d蒜香再加埋d飯香..令人食完再食...最後一定要食既就係甜品桂花糕..勁有桂花味又甜..下次再得閒一定會再去食~~!!

尋晚係旺角倫敦酒樓對面2樓嗰間魚米之尊，我食咗個超難食牛肉卷魚湯米線餐，D醬汁好似漿糊，望落好似D咖哩汁淋咗喺牛肉卷上面。嗰漿糊醬汁犀利到放咗落魚湯都重喺保持漿糊狀好久……真喺好犀利……難食到暈。而我嗰friend就叫咗個海鮮魚湯米線，海鮮同個魚湯米線分開上，D海鮮嚟到又喺漿糊汁，唔同地方只喺佢個汁喺透明。紅豆桂花糕都喺麻麻地，佢三層嘢，底層喺啫喱，第二層喺紅豆，第一層桂花加啫喱，個糕D啫喱味太重冇桂花味！另外，佢服務太差，坐咗成晚水都冇加過一滴，明明冇人又開大過冷氣想趕人走全部嘢加起嗰餐要五十幾元，另加漿糊醬汁及超差服務態度。打死我都唔會再去！

生日慶祝~有朋友推介黎呢度食...因為好味同多嘢食又抵食...一早訂定檯~入到去無咩人...可能出面天氣唔好~好大雨...坐低後店員問需唔需要飲品~原來某d係任飲~有d只可以叫一杯~好混淆~一係全部都任飲啦~攪到咁麻煩~開始上菜喇...第一道菜 - 梅子蕃茄仔 (好地地蕃茄仔無啦啦加d梅子粉上去~攪到一望到就唔想食)第二道菜 - 貢菜 (差不多我地全部人都無咩食過...因為唔好食..)第三道菜 - 涼拌青瓜 (最好味~個個爭住食~青瓜爽口~Good!)第四道菜 - 白灼魚皮 (魚皮夠爽口~不過嫌個汁唔夠味唔夠多~攪到好Dry!)第五道菜 - 炸春卷拼蝦丸 (一般貨色~唔會難食~唔會好味囉!)第六道菜 - 素魚刺身 (呢碟嘢真係叫救命~食落去唔知想點~好嘔心!)第七道菜 - 鹵水雞翼 (雞翼唔夠入味)第八道菜 - 蒜蓉蒸青口 (都係一般貨色啦!)第九道菜 - 豉油王中蝦 (呢個都ok既~)第十道菜 - 豉汁蒸魚雲 (豉汁還豉汁~魚雲還魚雲)第十一道菜 - 燒豬頸肉 (千祈唔好點佢個汁~簡直錯配)第十二道菜 - 炒雞球 (又係好普通嘅餸)第十三道菜 - 海鮮魚湯 (加d胡椒粉好味d囉!)第

又到咗每月一次的小學同學聚會,今晚都係幫我預祝生日,其實我未去過呢間私房菜,今晚好surprise 啊,因為完成冇menu 嘅?但有樣嘢要改善下la,d staff 唔係咁理d客,可能我地呢枱人多la,佢地唔係咁踩我地但d嘢食不停咁出,大約有18 - 19 碟唔同的餸,有d唔記得咗:1) 雞腳 - 一人一隻,勁好味啊2) 蕃茄仔 - 唔食蕃茄嘅我無試, 不過見佢加咗話梅粉, 朋友話幾得意.3) 大蟹蜆肉蘿蔔湯 - 魚湯用大蟹,蜆肉, 蘿蔔一齊, 好甜啊4) 素刺身 - 無咩味道.5) 蒜茸青口 - 一般嘅青口, ok啦!6) 豉油王中蝦 - 蝦好入味, 味道唔錯.7)指天椒魚頭 - 魚肉好滑, 我食咗4 件8) 酸甜素魚 - 素魚好似真嘅一樣9) 炒雞肉- 雞肉幾好食10) 咖喱豬扒包 - 好得意,佢用咗錫紙分開d咖喱汁同豬扒, 個包好大好脆, 但係咖喱嘅味道 ok la,豬扒就幾稔11) 肉碎四季豆 - d四季豆好好味唔太spicy, 唔錯.12)好似上海麪咁 - ok la,已經唔係好食得落13)炒飯 - d fd 話唔油膩,幾好14)蝦焗飯 - 一上枱就好香,正啊飽到死都要食幾啖

朋友介紹嘅呢間私房菜, $128 or $168咁平得唔得ka ? 重要無餐牌 ? 電話訂位嘅時候要confirm食邊個餐? 咁究竟兩個餐有咩分別呀 ? 吓, 貴嘅多咗沙律同燕窩囉! 本著試嘅精神...GO....上Openrice做咗功課嘅我已經知道應該有十幾道菜...kekeke...1) 雞腳 - 都幾稔, 味道唔錯.2) 蕃茄仔 - 唔食蕃茄嘅我無試, 不過見佢加咗話梅粉, 朋友話幾得意.3) 章魚丸子+咖喱角 - 丸子幾多章魚, 咖哩角一般.4) 蟹蜆湯 - 魚湯用蟹,蜆, 蘿蔔一齊煮, 不過好大胡椒味, 麻麻地.5) 魚皮 - 好爽.6) 素刺身 - 無咩味道.7) 蒜茸青口 - 一般嘅青口, ok啦!8) 豉油王中蝦 - 蝦好爽口, 味道唔錯.9) 椒剁魚頭 - 魚頭好滑, ok.10) 酸甜素魚 - 素魚質感做到好似燻魚咁, 甜酸度適中.11) 唔知咩雞 - 雞肉嫩, 味道ok.12) 咖喱豬扒包 - 應該係自己做嘅包, 用錫紙分開d汁同豬扒, 個包好脆, 但係咖喱同自己煮嘅味道差唔多, 不過豬扒幾稔, 唔差.13) 肉碎四季豆 - 呢個時候d四季豆好鮮嫩, 唔錯.1

因為蚊蚊說這兒有飯又有米線多點選擇, 於是就大夥兒來吃lunch~這兒好像魚湯米線比較出名, 套餐有1個3款"食送"的魚湯米線(可選通粉公仔麵等等..), 1件多士和1杯飲品...感覺像車仔麵...妹妹要了清菜+滷水蛋+3鮮餃子 配米線份量很少哇... 同行的男生都覺得不夠飽w@3鮮餃子, 餃子皮很厚而且味道怪怪的, 但又很易爛, 餡料只是豬肉蓉, 不覺鮮更遑論3鮮滷蛋的滷水味很淡, 看得見薄薄的蛋白內裡都未入味, 蛋黃很大, 蠻有蛋香 嚐了同事的1片蘿蔔和冬菇, 蘿蔔真的是"白"蘿蔔, 1點湯都味道都沒煮得入味, 冬菇都是冬菇原本的味道, ok的。魚湯又不覺得特別鮮味, 不是強烈味精湯而算不幸中之大幸。跟餐的多士, 我們吃完米線都未上桌, 大概是即時焗製吧,2片3角形疊著的奶油多, 但烤得不夠香口, 只能說是很普通的奶油多。$33, 食物質素很平凡, 不太抵食呢~=

講真間私房菜都幾似茶餐廳, 不過食落D野又幾好味....一去到佢即時比左幾款小食..D魚皮真係好好食...好爽...又幾入味...我同D Fd都唔夠食...之後個蟹煲先係重點...有勁多料...勁大隻蟹同勁多蜆...勁鮮味...重有個桂花糕...勁香桂花味...中間重有d紅豆...勁有口感...最後都係百幾蚊一個人...有魚有蟹..都算係咁啦.,...d待應又幾好人...又幾吹得...不過d裝修就真係要改改佢...d相真係好茶餐廳呀....

旺角的魚米之尊每次去都系食佢個~ 養生悠閒套餐 個套餐包括:1. 1 個 3 餸公仔面 or 米線.2. 多士 1 件.3. 1 杯野飲.個3 餸面, 豬扒, 雞翼, 酸肉鬆(而家無左), 魚附. 幾好味但最精彩系佢個魚湯底. 好香甜, 好好味. 我湯底都飲埋. 公仔面都好有陣性, 口感好. 佢既多士都好好食, 佢地會將2 片都查滿牛油奶油.唔會好似有 D 餐廳只查 一邊, 然後琴埋博你唔知. 懶到死.面包表皮脆, 內裹好鬆軟. 杯野飲不錯, 幾濃味. 養生悠閒套餐. 下午茶時間 $23 . 凍飲 +$2食左好多次呢個餐好抵食, 每次水準好穩定. 請包容,手機 D 相 好差.

... 好難食 ... 最憎果啲漿糊醬淋咗喺果啲乾到似柴嘅牛肉卷處 ... 好難食 ... 總共三條 , 只食了一條 ... 炸物小食 ... 好油立立 , 但係已經淋晒 ...套餐連茶位 : $ 50 ... 好貴 ... 貴在唔好食 ...

$165 有19 道菜,一行五人, 七時準時到, 食到九時半, 真係可以說係食唔停.今晚19道菜有1. 雞腳(1人1隻 入味)2.素生魚片3. 田螺 (無沙)4. 蜆仔海鮮湯 (有隻蚊向碗湯)5. 八爪魚丸子拼魚腐 6.豆豉雞 (好多雞 )7.焗蠔8.蒸魚云9.炸魚仔10. 面包焗豬件 11.梅粉蕃茄仔12.娃娃菜13.小唐菜拼包魚姑14.蒸蝦飯15.春卷16.魚皮17.蒸粉皮18.蒸茄子19.桂花糕 (有螞蟻向入面呀 )無加一, 飲品任飲. 只可以用抵字來形容.雖然我自己唔係甘中意, 不過魚米之尊真係好多人去, 唔book台一定食唔到.

說真的..這裡環境一點也沒有私房feel，但地方還不算迫，一行十人，坐大檯也很舒服.說回百多元，有20道菜..真係不錯，樣樣有得試，味道也不錯..還要吃得飽飽的，吃到16道菜開始要問...哎喲.好飽了，仲有無啊..我們吃了相片中的菜式..最喜歡的是魚皮、貢菜、蟹蜆湯、竹桶排骨雞、還有桂花紅豆糕最不喜歡是素魚生、茄子(賣相很差)最讚的是很好味的檸檬蜂蜜，還有凍檸茶等茶餐廳飲品任飲這裡朋友聚舊很好..我們吃了三個多小時..傾到口乾可以order野飲嘛!!^^還有這裡服務也不錯..還很nice的幫我們拍大合照..^^

上次吃過「私」私房菜後，對私房菜感到失望。是晚同事聚餐，據聞同事又訂了私房菜，一度想推辭不去，但同事誓神劈願、極力推介，最終還是去了。一行十五人到了舖面，見舖面如一般食肆無異，又見店名"魚米之尊"，以為是吃漁湯米線的食店。一進店內，卻發現別有洞天。店內大約放置了十餘張4-6人枱、靠邊置了兩張大枱，我們一行十五，理所當然被安排坐於靠邊的大枱。枱與枱之間與以裝飾分隔，好讓各枱客人都能食得自在。入座不久，上了首三道菜後，驚覺竟與「私」私房菜之菜色一模一樣。心感不妙，一看餐牌，原來兩間店名風馬牛不相及的食肆，竟然是同一老闆的有了上次吃「私」私房菜的經歷，頓時不敢期望太高。可是一路吃下去，卻越吃越有驚喜，每一道菜都非常有水準。因人多的關係，幾乎每一款菜色都是打孖來的。菜不斷不斷的上，我們不斷不斷的吃，這一頓飯竟足足上了 二十八 道菜!!!!!1. 麻香雲耳 - 與上次相同的菜色，爽爽脆脆酸酸鹹鹹，非常醒胃。2. 麻辣涼拌魚皮 - 與上次相同的菜色，但這次魚皮爽脆且滑，麻油味恰到好處，與辣味互相配合，叫人不知不覺一件又一件的吃下去。3. 華梅粉車厘茄 - 上次沒有吃，這次一吃之下不得了。華