鐵牛台灣牛肉麵 (希爾頓大廈)

营业中

休息中

下午茶諗唔到食咩，咁啱又係尖沙咀，就決定試下鐵牛喇，因為見佢幾抵食三十幾蚊有主菜，三款小食同飲品，比佢嘅午市晚巿都平一截，就即管試下係咪咁抵食!我自己叫左嘅主菜係麻醬乾麵，濃厚麻醬帶少少花生香味撈埋粗身彈牙嘅台灣面好惹味，係細碗左少少姐，唔夠五分鐘清晒至於小食我就揀左鹽酥雞，梅子粉配脆薯同埋木魚炸豆腐，樣樣都好香口，鹽酥雞唔會炸到好鞋，仍然keep 到肉汁，脆薯加埋梅子粉好醒胃，而木魚炸豆腐就夠脆口，表現不俗，野飲叫左冬瓜茶就正正常常整體感覺性價比好高，如果想平平地食個有番咁上下水準嘅台灣下午茶，鐵牛會係唔錯嘅選擇。